Gold Silver Price : વર્ષ 2023 પસાર થવામાં હવે માત્ર એક જ દિવસ બાકી છે. આ વર્ષના અંતમાં સોના-ચાંદીની ખરીદી કરનારા લોકો માટે સારા સમાચાર છે. સોના-ચાંદીના ભાવમાં ભારે ઘટાડો જોવા મળ્યો હતો. શુક્રવાર, 29 ડિસેમ્બરે રાષ્ટ્રીય રાજધાનીના બુલિયન માર્કેટમાં સોનાની કિંમતમાં 350 રૂપિયાનો ઘટાડો જોવા મળ્યો હતો અને તે ઘટીને 63,950 રૂપિયા પ્રતિ 10 ગ્રામ પર આવી ગયો હતો. ચાંદીના ભાવમાં પણ ઘટાડો જોવા મળ્યો હતો અને તેની કિંમત 1,000 રૂપિયા ઘટી હતી. ચાંદીનો ભાવ 78,500 રૂપિયા પ્રતિ કિલો રહ્યો હતો. પરંતુ વર્ષ 2024માં આવું નહીં થાય. નવા વર્ષમાં સોનું મોંઘુ થવાની સંભાવના છે. આશા છે કે આવતા નવા વર્ષમાં સોનાની કિંમત 72 હજાર રૂપિયા પ્રતિ 10 ગ્રામ થઈ જશે.
લોકો વધુ સોનું ખરીદશે ?
એક રિપોર્ટમાં કહેવામાં આવ્યું છે કે, 2024માં પણ સોનામાં લોકોની રુચિ ચાલુ રહેશે. સેન્ટ્રલ બેંકો સતત સોનું ખરીદી રહી છે અને તેના રિઝર્વ એકઠા કરી રહી છે. ભાવ ઘટવાને કારણે લોકો વધુ સોનું ખરીદશે જેના કારણે આગામી વર્ષમાં સોનાના ભાવ નવી ઊંચાઈએ પહોંચશે.
File Photo
મહત્વનું છે કે, સોનાએ વર્ષ 2023 માં 15% નું સારું વળતર આપ્યું છે અને 2024માં પણ સારું વળતર અપેક્ષિત છે. યુએસ સેન્ટ્રલ બેંક ફેડરલ રિઝર્વે વ્યાજ દરમાં વધારો સમાપ્ત કરવાનો સંકેત આપ્યો છે. એવી અપેક્ષા છે કે, મધ્યસ્થ બેંક 2024માં વ્યાજ દરમાં ઘટાડો કરશે. તેના કારણે યુએસ બોન્ડ યીલ્ડમાં ઘટાડો થશે અને સોના માટે સારું વાતાવરણ ઊભું થશે. સોના માટે મુખ્ય સપોર્ટ લેવલ 59 હજાર રૂપિયા અને 58 હજાર 700 રૂપિયા પ્રતિ 10 ગ્રામ હોવાનો અંદાજ છે. ભાવ ઘટવાથી સોના તરફ ગ્રાહકોનું આકર્ષણ વધશે.
