મોટાભાગની છોકરીઓ પોતાના ચહેરા પર વધુ પડતુ ધ્યાન આપવાને કારણે તેઓ પોતાના ઢીંચણ અને કાળી પડી ગયેલી કોણી પર ઘ્યાન આપી શકતી નથી, જેથી કરીને કોણી અને ઢીંચણ કાળા પડી જાય છે. તમે પણ આ સમસ્યાથી હવે કંટાળી ગયા છો અને ઘરગથ્થુ ઉપાયોથી ઘૂંટણ અને કોણીની કાળાશને દૂર કરવા ઇચ્છો છો તો નજર કરી લો એકવાર આ ટિપ્સ પર.
ઑફિસ અથવા કોઇ ફંક્શન પર જ્યારે સ્લીનલેસ આઉટફીટમાં તમે ખૂબ સુંદર લાગો છો પરંતુ કોણીની કાળાશ તમારી સુંદરતાને ખતમ કરી દે છે. આટલું જ નહીં કોણીની કાળાશને દૂર કરવા અને એને સાફ કરવા માટે દરરોજ છોકરીઓ અલગ અલગ પ્રકારના ક્રીમનો ઉપયોગ કરે છે પરંતુ કોણીનો રંગ ચોખ્ખો થતો નથી. કોણીની કાળાશ હોવાને કારણે વધારે એક્સપોઝ થવા અને ડીહાઇડ્રેશન થવું પણ થઇ શકે છે. આજે અમે તમને ઘરે જ એક એવો પેક બનાવતા શીખવાડીશું જેની મદદથી 1 મહિનાની અંદર જ તમારી કોણીની કાળાશ દૂર થઇ શકે છે.
હોમમેડ પેક માટે તમારે જોઇશે
1 મોટી ચમચી મધ
1 નાની ચમચી નારિયેળ તેલ
1 નાની ચમચી લીંબૂનો રસ
1 નાની ચમચી બેકિંગ સોડા
પેક બનાવવાની રીત
બાઉલમાં મધ, નારિયેલ તેલ અને લીંબૂનો રસ બરોબસ મિક્સ કરી દો. ત્યારબાદ એમાં બેંકિંગ સોડા મિક્સ કરો. પ્રયત્ન કરોકે એમાં કોઇ પણ પ્રકારનું લમ્પ્સ ના રહે. હવે આ મિશ્રણને તમારી કોણી પર લગાવીને થોડાક સમય માટે રાખી મૂકો, હવે ધીરે ધીરે એને સ્ક્રબ કરીને પાણીની સાથે એને સાફ કરી દો.
આ ઉપરાંત 2 ટેબલસ્પૂન એલોવેરામાં ½ કપ દહીં મિક્સ કરીને તેને ઘૂંટણ અને કોણી પર લગાવો. તેને 15-30 મિનિટ સુધી લગાવીને રહેવા દો અને પછી પાણીથી ધોઇ લો. એલોવેરા અને દહીં સ્કિન પર મોઇસ્ચરાઈઝ કરીને કાળાશ દૂર કરવામાં મદદ કરે છે. દહીં માત્ર તમારા ભોજનનો ટેસ્ટ જ નથી વધારતો પરંતુ તમારા આરોગ્યને પણ બહુ બધા ફાયદાઓ પહોંચાડે છે.