હિંમતનગરમાં થયેલી હિંસા મામલે MLA રાજેન્દ્રસિંહ ચાવડાએ ગૃહ રાજ્યમંત્રી સાથે ચર્ચા કરી.
Share
હિંમતનગરમાં રામનવમીના દિવસે પથ્થરમારાનો મામલો
39 શખ્સો સહિત 600 લોકોના સામે ગુનો દાખલ
આરોપીઓ સામે કડક કાર્યવાહી થશેઃ રાજેન્દ્રસિંહ ચાવડા
હિંમતનગરમાં રામનવમીની શોભાયાત્રામાં થયેલા પથ્થરમારા મામલે 39 શખ્સો સામે નામજોગ ગુનો દાખલ કરવામાં આવ્યો છે. પોલીસે 600 લોકોના ટોળા સામે ગુનો દાખલ કર્યો છે. મહત્વનું છે કે ટોળુ એટલું હિંસક બન્યું હતું કે પોલીસની ટીમ પર પણ પથ્થરમારો કરાયો હતો જેમાં SP સહિત 10 કરતા વધુ પોલીસકર્મીઓ ઇજાગ્રસ્ત થયા હતા. ઘટનાને પગલે આરોપીઓની ઓળખ કરીને પોલીસે વધુ કાર્યવાહી હાથ ધરી છે.
રાજેન્દ્રસિંહ ચાવડાએ હર્ષ સંઘવી સાથે કરી મુલાકાત
તો આ મામલે ધારાસભ્ય રાજેન્દ્રસિંહ ચાવડાએ ઘટનાને દુઃખદ ગણાવી હતી.તેમણે જણાવ્યુ કે જે લોકોએ લોકોએ શાંતિ ડહોળવાનો પ્રયાસ કર્યો તેના પર કાર્યવાહી થવી જોઇએ. આ મામલે તેઓએ ગૃહમંત્રી હર્ષ સંઘવીની મુલાકાતે પહોંચ્યા હતા.હિંમતનગરમાં થયેલા તોફાન બાબતે તથા કાયદો અને વ્યવસ્થા બાબતે બેઠકમાં ચર્ચા કરવામાં આવી હતી.બેઠક બાદ રાજેન્દ્રસિંહ ચાવડાએ નિવેદન આપતા જણાવ્યું કે કસ્બા વિસ્તારમાં કાકારીચારો થયો.કેટલાક લોકોએ અશાંતિ ફેલાવાનું કાર્ય કર્યુ. મુખ્યમંત્રીના માર્ગદર્શન હેઠળ વહીવટી તંત્રને સૂચના આપી છે. પ્રજાને અપીલ છે કે શાંતિ અને સંયમ રાખે.
આરોપીઓ સામે કડક કાર્યવાહી થશેઃ રાજેન્દ્રસિંહ ચાવડા
રાજેન્દ્રસિંહ ચાવડાએ વધુમાં જણાવ્યું કે શાંત-સલામત સમૃદ્ધ ગુજરાતમાં અશાંતિ ફેલાવાનો પ્રયત્ન થયો છે. આરોપીઓ સામે કડક કાર્યવાહી થશે .વિરોધી માનસિકતા ધરાવતા લોકોએ શરૂઆત કરી. કેટલીક જગ્યાએ તીર-કામઠા ઉપયોગ થયો. યાત્રામાં જોડાયેલા કેટલાક રામ ભક્તોને ઇજા થઇ છે. કેટલાક લોકો શાંત પાણીમાં વમળ પેદા કરવાનું કામ કરે છે.
સરકારે કડક પગલા લેવાની જરૂર- સ્વામી ગૌરાંગશરણ
તો આ મામલે ઓલ ગુજરાત ગુરૂવંદના મંચના અધ્યક્ષ સ્વામી ગૌરાંગશરણ દેવાચાર્જએ નિવેદન આપતા જણાવ્યુ કે શાંતિપૂર્વક યાત્રા પસાર થઈ રહી હતી અને અચાનક જ લોકો પર પથ્થમારો થયો. પથ્થરમારાના કારણે લોકો ઈજાગ્રસ્ત થયા. સુનિયોજિત કાવતરુ હોવાની આશંકા છે આ મામલે સરકારે કડક પગલા લેવાની જરૂર છે.
શાંતિપૂર્વક રેલી યોજાઈ રહી હતી ત્યારે પથ્થરમારો થયો: પ્રત્યક્ષદર્શી
તો પથ્થરમારામાં ઇજાગ્રસ્ત થયેલા લોકોની વીટીવી ન્યૂઝે મુલાકાત લીધી હતી. સારવાર લઇ રહેલા ઇજાગ્રસ્તોએ વીટીવી સમક્ષ આપવીતી વર્ણવી હતી. તેઓએ જણાવ્યું કે શાંતિપૂર્વક રેલી યોજાઈ રહી હતી ત્યારે પથ્થરમારો થયો, આ પૂર્વઆયોજિત કાવતરું હતું.
