હવામાન / સવારમાં ફરનારા ધ્યાન આપે! ભારે વરસાદની આગાહી બાદ અમદાવાદમાં લેક-ગાર્ડન બંધ રહેશે

ગુજરાતમાં 31 જુલાઈથી 2 ઓગસ્ટ સુધી ભારે વરસાદની આગાહીને ધ્યાનમાં રાખીને અમદાવાદ મનપાએ બે દિવસ સુધી શહેરના લેક અને ગાર્ડન બંધ રાખવાનો નિર્ણય જાહેર કર્યો છે. AMC દ્વારા જાહેરાત કરતાં નાગરિકોને બે દિવસ લેક-ગાર્ડનમાં ન પ્રવેશવાની તાકીદ કરાઈ છે.

ભારે વરસાદમાં બગીચામાં પાણી પાણી

ઉલ્લેખનીય છે કે 23 જુલાઈના ભારે વરસાદમાં અમદાવાદના બગીચાઓ અને લેક પાણી પાણી થયા હતા તેમ છતાં પણ લોકો બગીચામાં બેઠેલા જોવા મળ્યાં હતા એટલે આ વખતે મનપાએ વેળાસર વાડ કરી છે.

2 ઓગસ્ટ સુધી રેડ એલર્ટ

ભારતીય હવામાન વિભાગ (IMD)એ ગુજરાતના અનેક જિલ્લાઓમાં 30 જુલાઈથી 2 ઓગસ્ટ સુધી અતિભારે વરસાદનું રેડ એલર્ટ જાહેર કર્યું છે. જેમાં 5 ઓગસ્ટ સુધી રાજ્યમાં હળવાથી મધ્યમ વરસાદની આગાહી છે, પરંતુ આગામી ચાર દિવસ અતિભારે વરસાદ સાથે તેજ હવાઓ અને તોફાનની સંભાવના છે.

અનેક વરસાદી સિસ્ટમ સક્રિય

IMD ગુજરાતના ડિરેક્ટરે જણાવ્યું કે અત્યારે અનેક વેધર સિસ્ટમ સક્રિય છે, જેના કારણે આગામી સાત દિવસ સુધી રાજ્યમાં અતિભારે વરસાદ, આંધી-તુફાન અને તેજ પવનોની સંભાવના વધારે છે. જેને ધ્યાનમાં રાખીને અમદાવાદ, વડોદરા, આણંદ અને ખેડા જિલ્લામાં કાલે શુક્રવારે તમામ સ્કૂલ અને કોલેજો બંધ રહેશે.

વધુ વાંચો : બીજો રાઉન્ડ શરુ! અંબાજીમાં રસ્તાઓ પર વહી નદીઓ, ઈડર-વડાલી-ખેડબ્રહ્મામાં કડાકા-ભડાકા સાથે વરસાદ

ક્યાં પડશે વરસાદ

અમદાવાદ, વડોદરા, આણંદ, નર્મદા, છોટા ઉદેપુર, ભાવનગર, બોટાદ, ભરૂચ, વલસાડ, સુરત, તાપી, ડાંગ અને નવસારીમાં ભારે વરસાદ, આંધી, વીજળી અને તેજ પવનોની ચેતવણી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ