ચેતી જજો / શિયાળામાં હાર્ટ એટેકનો સૌથી વધુ ખતરો, આ લક્ષણોને ઈગ્નોર કરવાથી જીવનું જોખમ

Last Updated: 10:11 AM, 22 November 2024

FOLLOW ON

શેર કરો

ઠંડીની સિઝન શરૂ થતાં જ બીમારીઓ શરૂ થઈ જાય છે ત્યારે શિયાળામાં હાર્ટ એટેકનો ખતરો પણ વધી જાય છે. ત્યારે ઠંડીની ઋતુમાં ખાસ સ્વાસ્થ્યનું ધ્યાન રાખવું જોઈએ.

રાજ્યમાં ધીમે ધીમે ઠંડીની અસર વર્તાઇ રહી છે ત્યારે સમી સાંજે અને વહેલી સવારે હવામાન ઠંડુ હોય છે. અને વાતાવરણમાં આવતો બદલાવ પોતાની સાથે સ્વાસ્થ્યને લગતી સમસ્યાઓ લઈને આવે છે. ત્યારે એક સ્ટડી અનુસાર શિયાળામાં હાર્ટ એટેકનું પ્રમાણ 30% જેટલું વધી જાય છે.

નાની ઉંમરના લોકોમાં પણ વધ્યો ખતરો

પહેલા કરતાં હાર્ટ એટેક્નું પ્રમાણ વધ્યું છે અને નાની ઉંમરના લોકોમાં પણ સૌથી વધારે હાર્ટની સમસ્યાઓ જોવા મળે છે જેની પાછળ અનિયમિત લાઈફ સ્ટાઇલ, જંક ફૂડનું સેવન, સ્ટ્રેસફૂલ લાઈફ. ઠંડીની સિઝનમાં બ્લડ સપ્લાય કરતી નસો સરખી રીતે કામ કરી શક્તિ નથી અને બ્લડ પ્રેશર વધી જાય છે જેના લીધે હાર્ટ એટેકનું જોખમ વધી જાય છે.

પ્રદૂષણ પણ મોટો દુશ્મન

શિયાળામાં હવાનું પ્રદૂષણ વધારે હોય છે જે હાર્ટ એટેકના જોખમને વધારે છે. હવામાં વધતાં જતાં પ્રદૂષણવાળી હવા આઆપણે શ્વાસમાં લઈએ છીએ જે આપણા ફેફસાને અસર કરે છે અને હાર્ટને બલ્ડ સપ્લાય કરતી નસમાં અવરોધ બને છે જે પણ હાર્ટ એટેકનું કારણ બને છે.

જે લોકોને કોલેસ્ટ્રોલ, ડાયાબિટીઝ છે અને જે લોકો વધારે વજનથી પીડાય છે તેમને ઠંડીમાં હાર્ટ એટેકનું પ્રમાણ વધી જાય છે તેમણે ખાસ સાવધાની રાખવી જોઈએ.