કામની વાત / હવે આધારથી ફ્રોડનો ડર ગયો, આ રીતે લોક કરો પોતાનો ડેટા

આધાર કાર્ડ બેંકિંગ, સરકારી યોજનાઓ, મોબાઇલ સિમ કાર્ડ, ગેસ કનેક્શન અને બીજી અનેક સેવાઓ માટે માંગવામાં આવે છે. આથી આધારની સિક્યુરીટી ખુબ મહત્વની બની જાય છે. જો કોઈ ખોટું કરનાર તમારા બાયોમેટ્રિક ડેટા, જેમ કે ફિંગરપ્રિન્ટ્સ કે ફેસ ઓથેન્ટિકેશનની ઍક્સેસ મેળવે છે તો તેનો દુરુપયોગ થઈ શકે છે. આ જોખમને ઘટાડવા માટે UIDAI એ આધાર એપમાં એક ખાસ સુવિધા સામેલ કરી છે, જે યુઝર્સને કોઈ પણ સમયે તેમના બાયોમેટ્રિક્સને લોક અને અનલોક કરવાની મંજૂરી આપે છે.

આ સુવિધા માટે સાયબર એક્સપર્ટની જરૂર નથી. તમારા મોબાઇલ ફોન પર આધાર એપનો ઉપયોગ કરીને તમે થોડા સરળ પગલાંમાં તમારા ફિંગરપ્રિન્ટ્સ અને ફેસ ઓથેન્ટિકેશનને સિક્યોર કરી શકો છો. જો તમે રોજિંદા કાર્યો માટે આધારનો ઉપયોગ કરો છો તો આ ફીચર ખુબ ઉપયોગી સાબિત થઈ શકે છે.

• આધાર બાયોમેટ્રિક્સ લોક ફીચર આ રીતે કરે છે કમા

આધાર બાયોમેટ્રિક્સ લોક એક સિક્યુરિટી ફીચર છે જે તમારા ફિંગરપ્રિન્ટ, આઇરિસ સ્કેન અને ફેસ ઓથેન્ટિકેશનને અસ્થાયી રૂપે ડિસેબલ કરે છે. જ્યાં સુધી બાયોમેટ્રિક્સ લોક હોય ત્યાં સુધી કોઈ પણ આધાર બેસ્ડ બાયોમેટ્રિક ઓથેન્ટિકેશન કરી શકતું નથી. મતલબ કે જો કોઈ તમારો આધાર નંબર જાણતું હોય તો પણ તેઓ તમારા ફિંગરપ્રિન્ટ કે ફેસ આઈડીનો ઉપયોગ કરી શકશે નહીં. આ ઓળખ ચોરી અને ફ્રોડના કેસોમાં મોટો ઘટાડો કરી શકે છે.

• આધાર એપથી બાયોમેટ્રિક્સ આ રીતે લોક કરવું

આ ફીચર UIDAI દ્વારા પૂરી પાડવામાં આવેલ આધાર એપમાં આપવામાં આવી છે. જેમાં યુઝર્સ માત્ર એપમાં લોગ ઇન કરીને બાયોમેટ્રિક્સ લોક ઓપ્શન પસંદ કરવાની જરૂર છે. OTP વેરિફિકેશન પૂરૂ કર્યા બાદ તમારો બાયોમેટ્રિક ડેટા લોક થઈ જાય છે. એકવાર લોક થઈ ગયા બાદ કોઈ પણ તમારા ફિંગરપ્રિન્ટ કે ફેસ ઓથેન્ટિકેશનનો ઉપયોગ કરી શકશે નહીં.

• આધાર એપથી કેવી રીતે અનલોક કરવું

આ ફીચર વિશે સૌથી સારી વાત એ છે કે તેને કોઈપણ સમયે અનલોક કરી શકાય છે. મતલબ કે, તમારે બેંક, સરકારી સેવા કે બીજી આધાર-બેસ્ડ વેરિફિકેશન કરવાની જરૂર છે તો તમે આધાર એપ ખોલી શકો છો અને થોડી સેકંડમાં તમારા બાયોમેટ્રિક્સને અનલોક કરી શકો છો. એકવાર કામ પૂરૂ થઈ જાય પછી તમે તેને ફરીથી લોક કરી શકો છો.

• આ લોકો માટે જરૂરી છે ફીચર

જો તમે આધારનો ઉપયોગ કરો છો તો આ ફીચર ફાયદાકારક છે. જેમાં સિનિયર સિટીઝન્સ, ઓનલાઈન બેંકિંગ યુઝર્સ, સરકારી યોજનાઓના લાભાર્થીઓ અને જેઓ વારંવાર ડિજિટલ સેવાઓનો ઉપયોગ કરે છે તેઓએ તેને એક્ટિવ રાખવું જોઈએ. આ આધાર ડેટાની સિક્યુરિટીને વધુ મજબૂત બનાવે છે.

વધુ વાંચો : ટ્રેનની સફર પહેલા જાણી લો લગેજ સાથે જોડાયેલા આ નિયમ, નહીંતર લાગશે દંડ

• ઓનલાઈન ફ્રોડ અટકાવવામાં મદદ કરશે

સાયબર ગુનેગારો ઘણીવાર લોકોની પર્સનલ માહિતીનો દુરુપયોગ કરવાનો પ્રયાસ કરે છે. પણ આધાર સુરક્ષાના અનેક લેયરો દ્વારા સુરક્ષિત હોય છે, બાયોમેટ્રિક્સ લોક ફીચર સુરક્ષાના વધારાના લેયરને એડ કરે છે. આ ઓનલાઈન ફ્રોડ અને ઓળખ સંબંધિત જોખમોને ઘટાડી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ