- 20-30 વર્ષની ઉંમરે હાર્ટ એટેક આવે છે
- એક્સરસાઈઝ અને હાર્ટ એટેક વચ્ચે શું સંબંધ?
- આ ઉંમરે હાર્ટ એટેક આવવાનું વધુ જોખમ
હાલમાં કોઈપણ વ્યક્તિને હ્રદયરોગ થઈ રહ્યો છે. અનેક એવા કેસ સામે આવ્યા છે, જેમાં 20-30 વર્ષની ઉંમરે હાર્ટ એટેક આવે છે. હેલ્ધી લોકોને પણ હાર્ટ એટેક આવી રહ્યો છે. વર્કઆઉટ કરતા લોકોને પણ આ બિમારી થઈ રહી છે. એક્સરસાઈઝ અને હાર્ટ એટેક વચ્ચે શું સંબંધ રહેલો છે અને કઈ ઉંમરે હાર્ટ એટેક આવી શકે છે, તે અંગે અહીંયા જણાવવામાં આવ્યું છે.
અન્ય લોકોની સરખામણીએ મેદસ્વીતા, હાઈ બીપી અને ડાયાબિટીસના દર્દીઓને હાર્ટ એટેક આવવાનું જોખમ વધુ રહે છે. પુરુષોને 45 વર્ષ પછી અને મહિલાઓને 55 વર્ષ પછી હાર્ટ એટેક આવવાનું જોખમ રહે છે. 45 વર્ષ પછી વધુ કસરત કરવાથી પણ હ્રદયરોગ થઈ શકે છે. આ કારણોસર 45 વર્ષ પછી વર્કઆઉટ ઓછું કરી દેવું જોઈએ.
કયા કારણોસર આ પ્રકારે થાય છે
ઉંમર વધવાની સાથે વ્યક્તિની કામ કરવાની ક્ષમતા ઓછી થવા લાગે છે. 45 વર્ષ પછી ઝડપથી કસરત કરવાથી હાર્ટ પર પ્રેશર આવે છે. જેના કારણે હાર્ટે ખૂબ જ ઝડપથી બ્લડ પંપ કરવું પડે છે. આ સિવાય અન્ય કોઈ સમસ્યા હોય તો પણ હાર્ટ એટેક આવી શકે છે.
કસરત કેવી રીતે કરવી?
- ક્ષમતા અનુસાર કસરત કરવી
- એકવારમાં વધુ માત્રામાં કસરત ના કરવી
- કસરતની સાથે ડાયટનું ખાસ ધ્યાન રાખવું
- ધૂમ્રપાન ના કરવું
- મેડિકલ હિસ્ટ્રી હોય તો જિમ ટ્રેનરની સલાહ લીધા પછી કસરત કરવી
- કસરતની સાથે લાઈફસ્ટાઈલ પણ હેલ્ધી હોવી જોઈએ
- રિસ્ક ફેક્ટર તથા અન્ય બિમારી હોય તો કસરત ના કરવી
- વધુ ઉંમર ધરાવતા લોકોએ હળવી કસરત કરવી
ડાયટનું ખાસ ધ્યાન રાખવું
હ્રદયરોગથી બચવા માટે ડાયટનું ધ્યાન રાખવું ખૂબ જ જરૂરી છે. ડાયટમાં ફેટ ઓછી હોય તેવા ફૂડનું સેવન કરવું. પ્રોટીનની માત્રામાં વધારો કરવો અને જંક ફૂડનું સેવન ના કરવું.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
