હેલ્થ અપડેટ / 4 દિવસથી હોસ્પિટલમાં એડમિટ છે લતા મંગેશકર, હવે તબિયતમાં થઈ રહ્યો છે સુધારો

• લતાજીને રિકવર થવામાં લાગી શકે છે સમય
• ફેન્સ અને સેલેબ્સ સતત પ્રાર્થના કરી રહ્યાં છે
• તબિયતમાં સતત સુધારો થઈ રહ્યો છે

ગઈ રાતે લતા મંગેશકરના ટ્વિટર એકાઉન્ટ પરથી તેમના સ્વાસ્થ્ય અંગે અપડેટ શેર કરવામાં આવી હતી. ટ્વિટમાં લતાજીના કુટુંબીજનોએ લખ્યું હતું, 'લતાજીના તબિયતમાં સુધારો થઈ રહ્યો છે અને તેઓ રિકવર થઈ રહ્યાં છે. તમારી પ્રાર્થના અને ચિંતા બદલ અમે તમારો આભાર માનીએ છીએ'. જે રીતે લતાજીની તબિયત સુધરી રહી છે તે જોતાં ચાહકોને આશા છે કે તે જલ્દીથી હોસ્પિટલથી ઘરે પરત આવશે.

Lata didi is stable..and recovering...

We thank each one of you, for your concern, care and prayers!

— Lata Mangeshkar (@mangeshkarlata) November 14, 2019

લતાજીને બીમારીમાંથી રિકવર થવામાં લાગી શકે છે સમય

આ પહેલા ગુરુવારે હોસ્પિટલના સૂત્રોએ ન્યૂઝ એજન્સીને લતા મંગેશકરના સ્વાસ્થ્યને લગતા સમાચાર આપ્યા હતા. જે મુજબ એવું કહેવામાં આવ્યું હતું કે, તેમની તબિયતમાં સુધારો થઈ રહ્યો છે, પરંતુ તેમને સંપૂર્ણ રીતે સ્વસ્થ થવામાં થોડો સમય લાગશે. લતાજીને ન્યૂમોનિયા અને ચેસ્ટ ઈન્ફેક્શન થયું છે. આ બીમારીમાં રિકવર થતાં સમય લાગે છે. 

યુવા પેઢીમાં પણ ખૂબ જ પોપ્યુલર છે લતાજીના ગીતો

લતા મંગેશકર 90 વર્ષના છે. વધતી ઉંમરની સાથે આરોગ્ય સંબંધિત રોગોને લીધે તે આજકાલ અસ્વસ્થ છે. લતા મંગેશકરે ઘણી ભાષાઓમાં ગીતો ગાયા છે. તેમને કોકિલ કંઠીનો ટેગ આપવામાં આવ્યો છે. લતા મંગેશકરનાં ગીતો આજની યુવા પેઢીમાં પણ ખૂબ જ પોપ્યુલર છે. લતાજી સોશિયલ મીડિયા પ્લેટફોર્મ પર પણ એક્ટિવ રહે છે.