તમારા કામનું / IRDAI ના નિર્ણયથી હેલ્થ ઈન્શ્યોરન્સ લેનારાને થશે ફાયદો, 36 મહિનામાં જ કવર થશે અગાઉની બીમારીઓ

હેલ્થ ઈન્શ્યોરન્સ આજે દરેક પરિવાર માટે જરૂરી બની ગયુ છે. જ્યારે કોઈ ગંભીર બીમારી થાય છે ત્યારે મોટો ખર્ચો થાય છે. જેથી ખીસ્સા પણ ખાલી થઈ જતા હોય છે, કેટલાક કિસ્સામાં દેવુ પણ થતુ હોય છે. પરંતુ જો તમે હેલ્થ ઈન્શ્યોરન્સ લીધેલો હોય તો તમને ફાયદો થાય છે. એવામાં હેલ્થ ઈન્શ્યોરન્સની રેગ્યુલેટરી બોડી IRDAIએ એક મહત્વનો નિર્ણય કર્યો છે. જેમાં પહેલાથી જ જે બીમારી હોય તેનો વેઈટિંગ પીરિયડ ઘટાડીને 36 મહિના કરી દેવામાં આવ્યો છે. 

ઈન્શ્યોરન્સ રેગ્યુલેટરી એન્ડ ડેવલોપમેન્ટ ઓથોરીટી ઓફ ઈન્ડિયાએ વીમા કંપનીઓ માટે આ નિયમ ફરજીયાત કરી નાખ્યો છે. અગાઉ પહેલાની બીમારી માટેનો વેઈટિંગ પીરિયડ 48 મહિનાનો હતો તેને ઘટાડી 36 મહિના કરી દેવાયો છે. જો તમે હેલ્થ ઈન્શ્યોરન્સ પોલિસી લેવા જતા તો તમને તમારી પહેલાની બીમારી કે વર્તમાનમાં ચાલતા ઈલાજ વિશે પુછવામાં આવતુ. આ બીમારીને 4 વર્ષ એટલે કે 48 મહિના પછી જ કવર કરી શકાતી હતી. પરંતુ હવે તે 3 વર્ષ એટલે કે 36 મહિનામાં જ કવર કરી શકાશે. 

IRDAIના આ નિર્ણયને ઘણા એક્સપર્ટ્સ આવકારી રહ્યા છે. તેઓના મતે હવે આસાનીથી PIDને ક્લેમ કરી શકાશે. PID વેઈટિંગ પીરિયડનો સમયગાળો 48થી ઘટાડી 36 મહિના કરવામાં આવતા હવે લોકો વીમા પોલિસી વધારે ખરીદશે તેવી સંભાવના જોવા મળી રહી છે. જેથી હેલ્થ ઈન્શ્યોરન્સ હોલ્ડરનું પ્રમાણ દેશમાં વધી શકે છે. 

વધુ વાંચોઃ વોટ્સએપ બૅન થઈ જાય તો નો ટેન્શન, ફરી ચાલુ કરવા ફોલો કરો આ સ્ટેપ્સ

ઉલ્લેખનીય છે કે, ઈન્શ્યોરન્સ રેગ્યુલેટરી એન્ડ ડેવલોપમેન્ટ ઓથોરીટી ઓફ ઈન્ડિયાએ મોરેટોરિયમ વેઈટિંગ પીરિયડને પણ 8 વર્ષથી ઘટાડી 5 વર્ષ કરી દીધુ છે. આ નિર્ણયથી પણ ગ્રાહકોમાં વીમા પોલિસીને લઈ વિશ્વાસ વધશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો