- ગલી બોયનાં ધર્મેશ પરમાર ઉર્ફે એમસી તોડ ફોડનું નિધન
- રણવીર સિંહે આપી શ્રદ્ધાંજલિ
- માત્ર 24 વર્ષ હતી ઉંમર
ગલી બોયનાં ધર્મેશ પરમાર ઉર્ફે એમસી તોડ ફોડનું નિધન
ગલી બોયનાં ધર્મેશ પરમાર ઉર્ફે એમસી તોડ ફોડનું નિધન થઇ ગયું છે. તેમના મૃત્યુનું કારણ કાર અકસ્માત જણાવવામાં આવે છે. એમસી તોડ ફોડે 24 વર્ષની ઉંમરમાં આ દુનિયાને અલવિદા કહ્યું છે. ધર્મેશ પરમારનાં નિધનનાં સમાચાર બાદ રણવીર સિંહ અને સિદ્ધાંત ચતુર્વેદીએ તેમને શ્રદ્ધાંજલિ આપી છે. ધર્મેશ પરમારે રણવીર સિંહની ગલી બોયનાં સાઉન્ડટ્રેક માટે પોતાનો અવાજ આપ્યો હતો. આ ઉપરાંત, તેઓ એક સિંગિંગ બેંડનો પણ હિસ્સો હતા, જેનું નામ સ્વદેશી છે. માત્ર 24 વર્ષનાં આ કલાકારનું નિધન આખા દેશ માટે એક ખૂબ જ દુખદ ઘટના છે.
રણવીર સિંહે આપી શ્રદ્ધાંજલિ
સ્વદેશી બેંડે ધર્મેશ પરમારના મૃત્યુની પુષ્ટિ કરી છે. કહેવાઈ રહ્યું છે કે ધર્મેશ પરમારનો કાર અકસ્માત થયો છે, આ અકસ્માતમાં જ તેમનું મૃત્યુ થયું છે. પરંતુ તેમના પરિવાર તરફથી અત્યાર સુધી કોઈ પુષ્ટિ કરવામાં આવી નથી. બીજી બાજુ રણવીર સિંહે સોશિયલ મીડિયાનાં માધ્યમથી ધર્મેશને શ્રદ્ધાંજલિ આપી છે.
માત્ર 24 વર્ષ હતી ઉંમર
રણવીર સિંહ સાથે સિદ્ધાંત ચતુર્વેદીએ પણ ધર્મેશ પરમારને શ્રદ્ધાંજલિ આપી છે. ઇન્સ્ટાગ્રામ પર તેમના બેંડએ એક પોસ્ટ શેર કરીને તેમના મૃત્યુની જાણકારી આપી છે અને અંતિમ સંસ્કાર સંબંધિત ડિટેલ પણ આપી છે. 'સ્વદેશી મેલા'માં એમસી તોડ ફોડનાં પરફોર્મન્સનો વીડિયો શેર કરતા તેમના નિધનની જાણકારી આપવામાં આવી છે.
