લોકગાયિકા કાજલ મહેરીયાએ અમદાવાદના નિકોલમાં આવેલા મધુવન ગ્રીન પાર્ટી પ્લોટ ખાતે શ્વાન બર્થ ડે ઉજવ્યો હતો.
Share
અમદાવાદમાં કોરોનાના કેસ વચ્ચે નિયમોના ઉડ્યા ધજાગરા
અમદાવાદના નિકોલમાં શ્વાનની બર્થ ડે પાર્ટી યોજાઇ
અમદાવાદ પોલીસે આયોજકો વિરૂદ્વ કરી કડક કાર્યવાહી
શ્વાનની બર્થ ડે પાર્ટીમાં નિયમોનું ઉલ્લંઘન
જાણીતા લોકગાયિકા કાજલ મહેરિયા ફરી વિવાદમાં આવી છે. કાજલ મહેરીયાએ કોરોનાના કહેર વચ્ચે લોકોની ભીડ જમાવીને શ્વાનનો બર્થ ડે ઉજવીને વિવાદ પેદા કર્યો છે. આ મામલે પોલીસે કેસ નોંધીને ત્રણ લોકોની ધરપકડ કરી છે. નિકોલમાં મધુવન ગ્રીન પાર્ટી પ્લોટમાં ડોગ પાર્ટી મામલે નિકોલ પોલીસે ચિરાગ ઉર્ફે મિતેષ પટેલ, ઉર્વિશ પટેલ અને દિવ્યેશ મહેરિયાની ધરપકડ કરી છે. આ તમામ પાર્ટીના આયોજક મનાય છે.
નિકોલના મધુવન પર્ટી પ્લોટમાં યોજાઈ હતી શ્વાનના બર્થડેની પાર્ટી
લોકગાયિકા કાજલ મહેરીયાએ અમદાવાદના નિકોલમાં આવેલા મધુવન ગ્રીન પાર્ટી પ્લોટ ખાતે શ્વાન બર્થ ડે ઉજવ્યો હતો. નિકોલના મધુવન પાર્ટી પ્લાટ ખાતે કાજલ મહેરિયાએ શ્વાનનો બર્થ ડે ઉજવવા માટે ખાસ આયોજન કર્યું હતું. આ બર્થ-ડે પાર્ટીમાં કાજલ મહેરિયાએ ગીત ગાયાં હતાં. આ પાર્ટીમાં મોટી સંખ્યામાં લોકો ઉણટી પડ્યાં હતાં. લોકોએ પણ કાજલ મહેરીયાના સૂરના તાલે રાસની રમઝટ બોલાવીને બર્થ ડેની ઉજવણી કરી હતી.
સળગતા સવાલ
- કોરોનાના વધતા કેસ વચ્ચે બર્થ ડે પાર્ટી કેમ?
- નિયમોનું કેમ પાલન નથી કરવામાં આવતું?
- વધતા કેસ વચ્ચે લોકો કેમ નથી સમજતા?
- અમદાવાદમાં સતત કેસ વધી રહ્યાં છે ત્યારે પોલીસ શું કરે છે?
- આટલી મોટી સંખ્યમાં લોકો એકઠા થયા છતા પોલીસને જાણ ન થઇ
- લોક ગાયિકા કાજલ મહેરિયાને પણ નિયમોની જાણ નથી?
- કોરોનાના વધતા કેસ વચ્ચે કાજલ મહેરિયા આવા કાર્યક્રમોમાં જોડાય તે કેટલું યોગ્ય?
- લોક ગાયિકા કાજલ મહેરિયાને કોરોના કેટલો ખતરનાક છે તે જાણ તો છે ને?
- કોરોના સંકટ વચ્ચે કાર્યક્રમ યોજનાર અને કાર્યક્રમ કરનાર બંને સામે કેમ કાર્યવાહી ન થાય?
- કાજલ મહેરિયા સામે પણ પોલીસે કેમ કાર્યવાહી નથી કરી?
