અમદાવાદ / આનંદનગરની ઘટના બાદ ગુજરાત યુનિવર્સિટીનું તંત્ર જાગ્યું! વેરિફિકેશન વગરના 57 ગાર્ડને છૂટા કરાયા

અમદાવાદના આનંદનગર વિસ્તારમાં બનેલી દુષ્કર્મની ઘટના બાદ ગુજરાત યુનિવર્સિટી તંત્ર દ્વારા કેમ્પસની સુરક્ષા વ્યવસ્થાને વધુ મજબૂત બનાવવાના પગલાં લેવામાં આવ્યા છે.

57 સિક્યુરિટી ગાર્ડને ફરજ પરથી દૂર કર્યા

મળતી માહિતી મુજબ, ગુજરાત યુનિવર્સિટીએ પોલીસ વેરિફિકેશન ન થયેલા 57 સિક્યુરિટી ગાર્ડને ફરજ પરથી દૂર કર્યા છે. તેમની જગ્યાએ પોલીસ વેરિફિકેશન પૂર્ણ થયેલા નવા 57 સિક્યુરિટી ગાર્ડની નિમણૂક કરવામાં આવી છે.

51 રિટાયર્ડ આર્મી જવાનોને પણ તૈનાત કરવામાં આવ્યા

આ ઉપરાંત, યુનિવર્સિટીની સુરક્ષા વ્યવસ્થાને વધુ મજબૂત બનાવવા માટે 51 રિટાયર્ડ આર્મી જવાનોને પણ તૈનાત કરવામાં આવ્યા છે. આ પગલાંનો હેતુ યુનિવર્સિટી કેમ્પસમાં વિદ્યાર્થીઓ, સ્ટાફ અને અન્ય લોકોની સુરક્ષા વધુ સુદૃઢ કરવાનો છે.

પ્રાથમિકતા આપીને સુરક્ષા વ્યવસ્થામાં ફેરફાર

આનંદનગરની ઘટનાને પગલે સુરક્ષા વ્યવસ્થા, ગાર્ડની નિમણૂક અને પોલીસ વેરિફિકેશન અંગે પણ સવાલો ઊભા થયા હતા. હવે યુનિવર્સિટી તંત્ર દ્વારા વેરિફિકેશન પ્રક્રિયાને પ્રાથમિકતા આપીને સુરક્ષા વ્યવસ્થામાં ફેરફાર કરવામાં આવ્યો છે.

આ પણ વાંચોઃ વલસાડમાં NH-48ની ખખડધજ હાલત, ખાડાઓથી વાહનચાલકો પરેશાન

નવા સિક્યુરિટી ગાર્ડની નિમણૂક અને રિટાયર્ડ આર્મી જવાનોની તૈનાતી બાદ ગુજરાત યુનિવર્સિટીના કેમ્પસમાં સુરક્ષાના ધોરણોને વધુ મજબૂત બનાવવાનો પ્રયાસ કરવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ