7 ફોટો ગેલેરી

વરસાદ અપડેટ / કચ્છમાં ધોધમાર વરસાદની હવામાન વિભાગની આગાહી, લો-પ્રેશર સર્જાતા આ જિલ્લાઓ પર ત્રાટકશે, આજે ક્યાં-ક્યાં થયો વરસાદ?

Last Updated: 02:06 PM, 16 September 2026

FOLLOW ON

શેર કરો

ગુજરાતમાં અત્યાર સુધી 770.16 મિમી વરસાદ નોંધાયો, જે મોસમના સરેરાશના 84.74% છે. કચ્છના માંડવીમાં 24 કલાકમાં 7 ઈંચ વરસાદ, નર્મદા ડેમ 95.98% ભરાયો.

1/7

1. 13 તાલુકામાં સામાન્યથી મધ્યમ વરસાદ નોંધાયો

ગુજરાતમાં ચોમાસાની સિઝન દરમિયાન વરસાદનું જોર યથાવત્ રહ્યું છે. આજે સવારથી રાજ્યના 13 તાલુકામાં સામાન્યથી મધ્યમ વરસાદ નોંધાયો છે. 16 સપ્ટેમ્બરના સવારે 10 વાગ્યા સુધી રાજ્યમાં કુલ 770.16 મિમી (30.32 ઈંચ) વરસાદ નોંધાયો છે, જે મોસમના સરેરાશ વરસાદના 84.74 ટકા જેટલો છે.

આ તસવીર શેર કરો

2/7

2. 24 કલાકમાં રાજ્યના 32 જિલ્લાના 110 તાલુકામાં વરસાદ

છેલ્લા 24 કલાકમાં રાજ્યના 32 જિલ્લાના 110 તાલુકામાં સરેરાશ 3.21 મિમી વરસાદ નોંધાયો છે. આ દરમિયાન કચ્છના માંડવી તાલુકામાં સૌથી વધુ 7 ઈંચ વરસાદ પડ્યો હતો. ભારે વરસાદના પગલે અનેક વિસ્તારોમાં પાણી ભરાવાની સ્થિતિ સર્જાઈ હતી, જ્યારે નદીઓ બે કાંઠે વહેતાં ખેડૂતોમાં ખુશી જોવા મળી હતી.

આ તસવીર શેર કરો

3/7

3. કચ્છમાં ભારે વરસાદ

કચ્છમાં છેલ્લા 24 કલાક દરમિયાન વરસાદનું જોર વધુ જોવા મળ્યું છે. માંડવી ઉપરાંત અબડાસામાં 2.13 ઈંચ અને મુન્દ્રામાં 1.69 ઈંચ વરસાદ નોંધાયો છે. સમગ્ર કચ્છ ઝોનમાં છેલ્લા 24 કલાક દરમિયાન આશરે 8 ટકા વરસાદ નોંધાયો છે. સવારના 6થી બપોરના 12 વાગ્યા દરમિયાન પડેલા ભારે વરસાદને કારણે કેટલાક વિસ્તારોની શેરીઓમાં પાણીના પ્રવાહ જોવા મળ્યા હતા. બીજી તરફ નદીઓમાં પાણીની આવક વધતાં ખેડૂતોમાં રાહતની લાગણી જોવા મળી હતી.

આ તસવીર શેર કરો

4/7

4. દક્ષિણ ગુજરાત વરસાદમાં આગળ

પ્રદેશવાર વરસાદની સ્થિતિ પર નજર કરીએ તો દક્ષિણ ગુજરાતમાં અત્યાર સુધી સૌથી વધુ વરસાદ નોંધાયો છે. અહીં 1,734.16 મિમી (68.27 ઈંચ) વરસાદ સાથે સિઝનના સરેરાશ વરસાદની સરખામણીએ 112.46 ટકા વરસાદ નોંધાયો છે.

આ તસવીર શેર કરો

5/7

5. સૌરાષ્ટ્રના ત્રણ જિલ્લામાં વરસાદની મોટી ઘટ

સૌરાષ્ટ્રમાં દેવભૂમિ દ્વારકા, પોરબંદર અને જામનગર જિલ્લામાં વરસાદની સ્થિતિ ચિંતાજનક છે. દેવભૂમિ દ્વારકામાં મોસમના સરેરાશના માત્ર 10.54 ટકા, પોરબંદરમાં 24.76 ટકા અને જામનગરમાં 36.27 ટકા વરસાદ નોંધાયો છે.આ વિસ્તારોમાં વરસાદની અછતને કારણે ખેતી અને પાણીની સ્થિતિ પર તેની અસર જોવા મળી રહી છે.

આ તસવીર શેર કરો

6/7

6. ડેમોમાં પાણીનો સંગ્રહ વધ્યો

વરસાદને પગલે રાજ્યના જળાશયોમાં પણ પાણીની સ્થિતિમાં સુધારો થયો છે. સરદાર સરોવર ડેમમાં 3,20,653 MCFT પાણીનો સંગ્રહ નોંધાયો છે, જે તેની કુલ સંગ્રહ ક્ષમતાના 95.98 ટકા જેટલો છે.

આ તસવીર શેર કરો

7/7

7. 40 ડેમને હાઈ એલર્ટ

પાણીની આવક અને જળાશયોના સ્તરને ધ્યાનમાં રાખીને રાજ્યના 40 ડેમને હાઈ એલર્ટ, 13 ડેમને એલર્ટ અને 10 ડેમને વોર્નિંગ હેઠળ રાખવામાં આવ્યા છે.આગામી દિવસોમાં વરસાદનું જોર કયા વિસ્તારોમાં રહે છે અને સૌરાષ્ટ્રના ઓછા વરસાદવાળા જિલ્લાઓમાં કેટલી વરસાદી ભરપાઈ થાય છે તેના પર સૌની નજર રહેશે.

આ તસવીર શેર કરો

સંકળાયેલા મુદ્દાઓ

Gujarat rain update Kutch rainfall Gujarat rainfall