VIDEO / ઈડરના ગંભીરપુરામાં દીપડાના આંટાફેરા, એકસાથે બે દીપડા દેખાયા

સાબરકાંઠા: ઈડર તાલુકાના ગંભીરપુરા વિસ્તારમાં દીપડાના આંટાફેરાની ઘટનાથી સ્થાનિકોમાં ભયનો માહોલ જોવા મળી રહ્યો છે. ઘાટી વિસ્તારમાં એકસાથે બે દીપડા જોવા મળ્યાની માહિતી સામે આવતા રહેણાક વિસ્તારોમાં રહેતા લોકોની ચિંતા વધી છે.

દીપડો દેખાતા લોકોમાં ફફડાટ

સ્થાનિકોના જણાવ્યા મુજબ, ગંભીરપુરા નજીકના ઘાટી વિસ્તારમાં બે દીપડા એકસાથે નજરે પડ્યા હતા. દીપડા દેખાતા આસપાસના લોકોમાં ફફડાટ ફેલાયો હતો. રહેણાક વિસ્તારની નજીક દીપડાની અવરજવર હોવાના કારણે લોકોમાં સુરક્ષાને લઈને ચિંતા જોવા મળી રહી છે.

એકસાથે બે દીપડા દેખાતા લોકોમાં ભયનો માહોલ

એકસાથે બે દીપડા દેખાયા હોવાના અહેવાલ બાદ સ્થાનિકોમાં વધુ સતર્કતા જોવા મળી રહી છે. લોકો દ્વારા વન વિભાગને જાણ કરી દીપડાની હિલચાલ પર નજર રાખવા અને જરૂરી સુરક્ષા પગલાં ભરવાની માંગ કરવામાં આવી રહી છે.

આ પણ વાંચોઃ જૂનાગઢમાં નકલી દૂધનું રેકેટ ઝડપાયું, રોજનું હજારો લીટર બનાવટી દૂધ બનતું

રાત્રીના સમયે સાવચેતી રાખવા અપીલ

ગંભીરપુરા અને આસપાસના વિસ્તારોમાં લોકોને ખાસ કરીને રાત્રિના સમયે સાવચેતી રાખવા અને એકલા બહાર ન નીકળવા અપીલ કરવામાં આવી રહી છે. દીપડાની સતત અવરજવર સામે વન વિભાગ દ્વારા યોગ્ય કાર્યવાહી કરવામાં આવે તેવી સ્થાનિકો આશા વ્યક્ત કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ