બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / ગાંધીનગરના સમાચાર / ગુજરાતમાં ફરી જામશે વરસાદી જમાવટ, અમદાવાદ સહિત આ વિસ્તારોમાં 23 જુલાઈ સુધી આગાહી
4 ફોટો ગેલેરી
Last Updated: 03:00 PM, 17 July 2026
FOLLOW ON
શેર કરો
1/4
ગઈ કાલે અષાઢી બીજના શુભ દિવસે હવામાન વિભાગની આગાહીને સાચી પાડતા મેઘરાજાએ જગતના નાથ પર અમીછાંટણા વરસાવ્યા હતા. રથયાત્રા દરમિયાન હળવાં ઝાપટાં પડતાં લોકોને ગરમીથી રાહત મળી હતી. આજે સવારે જારી કરેલા લેટેસ્ટ બુલેટિનમાં સ્થાનિક હવામાન વિભાગે નવી આગાહી કરતાં જણાવ્યું છે કે આગામી ૨૩ જુલાઈ એટલે કે સળંગ સાત દિવસ અમદાવાદ શહેરમાં વરસાદી માહોલ યથાવત્ રહેશે.
આ તસવીર શેર કરો
2/4
મોટા ભાગે સાંજના સમયે હળવાં ઝાપટાં વરસતાં રહેશે. છેલ્લા ૨૪ કલાક દરમિયાન શહેરનું મહત્તમ તાપમાન ૩૭ ડિગ્રી નોંધાયું છે. આજે સવારે ૮.૩૦ કલાકે હવામાં ભેજનું પ્રમાણ ૮૧ ટકા જેટલું ઊંચું નોંધાયું હતું.
આ તસવીર શેર કરો
3/4
ગુજરાત પર એક સાથે ચાર સક્રિય સિસ્ટમના કારણે ચોમાસાના બીજા રાઉન્ડનો વ્યાપ વધ્યો છે. હવામાન વિભાગે આગામી એક સપ્તાહ માટે રાજ્યમાં ભારે વરસાદની આગાહી કરી છે. રાજ્યમાં છેલ્લા ૨૪ કલાકમાં ૧૧૨ તાલુકામાં મેઘમહેર થઇ છે, જેમાં રાજકોટ જિલ્લાના પડધરી તાલુકામાં સૌથી વધુ વરસાદ ખાબક્યો છે, જ્યાં ૨ ઈંચથી વધુ પાણી વરસતા લોકોમાં રાહતની લાગણી પ્રસરી છે. આ ઉપરાંત સુરતના કામરેજ અને કચ્છના રાપર તાલુકામાં બે-બે ઇંચ વરસાદ નોંધાયો છે.
આ તસવીર શેર કરો
4/4
આ ઉપરાંત નવ તાલુકાઓમાં એકથી બે ઈંચ અને બાકીના ૧૦૩ તાલુકાઓમાં એક ઈંચ સુધીનો હળવો વરસાદ નોંધાયો છે. રાજ્યભરમાં જળસ્તર વધતા ખેડૂતોમાં આનંદની લહેર જોવા મળી રહી છે. હવામાન વિભાગની આગાહી મુજબ આગામી દિવસોમાં પણ વિવિધ વિસ્તારોમાં વરસાદી માહોલ જળવાઈ રહેશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
