મહેસાણા / અમે HCના વકીલ છીએ! એવી ખોટી ઓળખ આપી દંપતીએ વેપારી પાસેથી પડાવ્યાં લાખો

Mehsana News: મહેસાણાના કડીમાં છેતરપિંડીનો એક ચોંકાવનારો કિસ્સો સામે આવ્યો છે, જ્યાં એક નકલી વકીલ દંપતી લાંબા સમયથી બંટી-બબલી સ્ટાઇલ છેતરપિંડી કરી રહ્યા હતા. આ દંપતીએ પોતે હાઈકોર્ટ અને સુપ્રીમ કોર્ટના વકીલ હોવાનો દાવો કરીને એક સ્થાનિક વેપારીને ખોટા ફોજદારી કેસમાં ફસાવવાની ધમકી આપીને 3.27 લાખ રૂપિયાની છેતરપિંડી કરી. વેપારીએ કડી પોલીસમાં ફરિયાદ નોંધાવ્યા બાદ આ છેતરપિંડીનો પર્દાફાશ થયો છે.

છેતરપિંડી આચરનાર આરોપીઓની ઓળખ મિતેશ સાધુ અને ફાલ્ગુની સાધુ તરીકે થઈ છે. આ દંપતીએ પોતાના કામકાજને કાયદેસર બતાવવા માટે નાની કડીમાં નર્મદા કોમ્પ્લેક્સમાં એક નકલી ઓફિસ ખોલી હતી. લોકોને પોતાની જાળમાં ફસાવવા માટે તેઓ "એડવોકેટ રાવલ" બનીને ફરતા હતા. જોકે, ચોંકાવનારી વાત એ છે કે મિતેશ કે ફાલ્ગુની પાસે કોઈ વકીલાત ડિગ્રી કે કાનૂની લાયકાત નથી.

કેવી રીતે આચરી છેતરપિંડી

આ દંપતીએ કડીના એક વેપારીને પોતાની જાળમાં ફસાવ્યો અને ધમકી આપી કે જો તે પૈસા નહીં આપે તો તેની સામે ખોટો દુષ્કર્મનો કેસ દાખલ કરવામાં આવશે. ગંભીર ફોજદારી કેસનો ડર બતાવીને ધમકી આપીને નકલી વકીલ દંપતીએ વેપારી પાસેથી 3.27 લાખ રૂપિયા પડાવી લીધા. આ દંપતીએ હાઈકોર્ટ અને સુપ્રીમ કોર્ટના વકીલ તરીકેની પોતાની નકલી ઓળખનો ઉપયોગ કરીને વેપારીને ધમકી આપીને પોતાની જાળમાં ફસાવી લીધો.

નકલી ઓફિસ, નકલી ઓળખ

પોતે સાચે જ વકીલ છે એવું બતાવવા માટે મિતેશ સાધુ અને ફાલ્ગુની સાધુએ નાની કડીના નર્મદા કોમ્પ્લેક્સમાં એક ઓફિસ ખોલી હતી. આ દંપતીએ લોકોને છેતરવા માટે તેમના ઓફિસના દસ્તાવેજો પર નકલી "એડવોકેટ રાવલ" નામનો ઉપયોગ કર્યો હતો. આરોપીઓએ પોતાને હાઈકોર્ટ અને સુપ્રીમકોર્ટના વકીલની ઓળખ આપી કૌભાંડ આચર્યું.

આ પણ વાંચો: રાજકોટમાં વંદે ભારત ટ્રેનની ટક્કરમાં 2 લોકોના મોત, 1ની હાલત ગંભીર

નોંધાઈ ફરિયાદ, પોલીસ તપાસ ચાલુ

મિતેશ સાધુ અને ફાલ્ગુની સાધુ નામના દંપતી સામે પોલીસ ફરિયાદ નોધાઈ છે. કડી પોલીસે નકલી વકીલ દંપતીને પકડવા માટે તાજવીજ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ