ગુજરાત બજેટ 2026 / નાણા વિભાગના કર્મચારીઓ બજેટ સાથે વિધાનસભા પહોંચ્યાં, નાણા મંત્રી કનુ દેસાઈએ બજેટ બેગ સાથે પોઝ આપ્યો

Gujarat Budget 2026-27: ગુજરાત રાજ્ય સરકાર દ્વારા રજૂ થનારું આજનું બજેટ 'વિકસિત ગુજરાત @ 2047' ને સંલગ્ન હશે. આ બજેટમાં વધતા જતા જાહેર દેવા વચ્ચે વિકાસની ગતિ જાળવી રાખવી એ સરકાર માટે અગત્યનો મુદ્દો રહેશે. આ વર્ષના બહેતમાં કોમનવેલ્થ ગેમ્સ 2030, મેટ્રો કનેક્ટિવિટી, ગ્રીન એનર્જી, શહેરી વિકાસ અને કૃષિ રાહત મુખ્ય કેન્દ્રના મુદ્દાઓ રહેશે. એટલું જ નહીં સાથે ગ્રીન ગ્રોથ પર પણ વિશેષ બહાર આપવામાં આવશે. એક્સપર્ટના માટે આ વખતનું બજેટ 4 લાખ કરોડના ટાર્ગેટને પણ પાર કરી શકે છે.

ગાંધીનગરમાં બજેટ પહેલાંની પૂર્વે અંતિમ તૈયારીઓ પૂરી

ગાંધીનગરમાં વર્ષ 2026-27ના રાજ્ય બજેટને લઈ અંતિમ તબક્કાની તૈયારીઓ પૂર્ણ થઈ ગઈ છે. નાણાં વિભાગના કાર્યાલય ખાતે છેલ્લા કેટલાક દિવસોથી અધિકારીઓ અને કર્મચારીઓ વ્યસ્ત રહ્યા હતા. બજેટ રજૂઆત પહેલા તમામ આંકડાઓ, યોજનાઓ અને જાહેરખબરની વિગતોનું વિશ્લેષણ કરી અંતિમ સમીક્ષા કરવામાં આવી હતી. ઉચ્ચ અધિકારીઓએ પણ બજેટ પહેલા વિવિધ મુદ્દાઓની ચર્ચા કરી અને આખરી તૈયારીઓની સમીક્ષા કરી. રાજ્યના આર્થિક વિકાસ, કલ્યાણકારી યોજનાઓ અને માળખાકીય વિકાસને ધ્યાનમાં રાખીને આ બજેટ તૈયાર કરવામાં આવ્યું હોવાનું માનવામાં આવે છે.

આ પણ વાંચો: નાણામંત્રી કનુ દેસાઈ પાંચમીવાર બજેટ રજૂ કરશે, કોમનવેલ્થ આયોજનને લઈ મોટી જાહેરાત

બજેટ બૂક સાથે કર્મચારીઓ વિધાનસભા તરફ રવાના

નાણાં વિભાગના કર્મચારીઓ બજેટ બૂક સાથે વિધાનસભા તરફ રવાના થયા છે. સત્તાવાર પ્રક્રિયા મુજબ બજેટ બૂક સુરક્ષિત રીતે વિધાનસભા ખાતે પહોંચાડવામાં આવશે. વિધાનસભામાં નાણામંત્રી દ્વારા ગુજરાત રાજ્યનું વર્ષ 2026-27નું બજેટ રજૂ કરવામાં આવશે. બજેટ રજૂઆત પહેલા તમામ દસ્તાવેજોની ચકાસણી અને જરૂરી વ્યવસ્થાઓ પૂર્ણ કરવામાં આવી છે. રાજ્યની આર્થિક દિશા અને વિકાસ માટે મહત્વપૂર્ણ માનાતા આ બજેટ પર સૌની નજર રહેલી છે. વિવિધ ક્ષેત્રોને ધ્યાનમાં રાખી કરવામાં આવેલા પ્રાવધાનો અંગે પણ ઉત્સુકતા જોવા મળી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ