ગુજરાત / આજે સ્થાનિક સ્વરાજની 10 હજાર સીટનું પરિણામ, 25 હજારથી વધુ ઉમેદવારોના ભાવીનો ફેંસલો

ગુજરાતમાં સ્થાનિક સ્વરાજ્યની ચૂંટણી 2026 માટે મતદાન 26 એપ્રિલે તીવ્ર ગરમી વચ્ચે યોજાયું હતું. રાજ્યની 15 મહાનગરપાલિકા, 84 નગરપાલિકા, 34 જિલ્લા પંચાયત અને 260 તાલુકા પંચાયતો માટે આ ચૂંટણી યોજાઈ હતી, જેમાં 25 હજારથી વધુ ઉમેદવારો મેદાનમાં ઉતર્યા હતા. મતદાતાઓએ પોતાના મત ઈવીએમમાં નોંધાવ્યા બાદ હવે આજે, 28 એપ્રિલે સવારે 8 વાગ્યાથી મતગણતરી શરૂ થવાની છે, જેના આધારે ઉમેદવારોના રાજકીય ભવિષ્યનો નિર્ણય થશે.

મતગણતરી માટે રાજ્યભરમાં કુલ 382 કેન્દ્રો

મતગણતરી માટે રાજ્યભરમાં કુલ 382 કેન્દ્રો બનાવવામાં આવ્યા છે. આ કેન્દ્રોમાં 838 હોલમાં 6991 ટેબલો પર અંદાજે 28,240 કર્મચારીઓ કામ કરી રહ્યા છે. સમગ્ર પ્રક્રિયા શાંતિપૂર્ણ અને સુવ્યવસ્થિત રીતે પૂર્ણ થાય તે માટે 33,750 જેટલા પોલીસ કર્મચારીઓ તેમજ 10,257 ચોથા વર્ગના કર્મચારીઓ તહેનાત રાખવામાં આવ્યા છે.

આ પણ વાંચોઃ રાજ્યની 3 બેઠકો પર ફરીથી ચૂંટણી! જાણો ક્યાં અને શા કારણોસર રદ થયેલી?

આજે મતગણતરીને ધ્યાનમાં રાખીને હિંમતનગરમાં ટ્રાફિક ડાયવર્ઝન અંગે પણ જાહેરનામું બહાર પાડવામાં આવ્યું છે, જેથી અવરજવર સરળ રહે અને કોઈ અડચણ ન આવે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ