- કોર્ટમાં ઠંડુ પીણુ પીવુ પો. કોન્સ્ટેબલને ભારે પડ્યું
- PI એ. એમ રાઠોડ સહિત 3 લોકો સસ્પેન્ડ
- પો. સ્ટેશનના CCTV કાર્યરત હોવા જોઇએ: HC
ચાલુ કોર્ટ સુનાવણીમાં પોલીસ કર્મીને ઠંડુ પીણું પીવું મોઘું પડ્યું.. ઠંડુ પીણું કોર્ટમાં પીનાર PI એ.એમ.રાઠોડ સસ્પેન્ડ કરાયા.. ચાલુ કોર્ટમાં ઠંડુ પીણું પીવા બદલ કોર્ટે નારાજગી વ્યક્ત કરી હતી.. મહિલાને માર મારવાનાની અરજી પર કોર્ટમાં સુનાવણી ચાલતી હતી. પોલીસ ઇન્સ્પેક્ટર એ. એમ રાઠોડ સહિત ત્રણ પોલીસ કર્મીઓને સસ્પેન્ડ કરાયા. અમદાવાદ પોલીસ કમિશનરે સસ્પેન્શનનો ઓર્ડર કર્યો. કોર્ટે વસ્ત્રાપુર પોલીસ સ્ટેશનમાં CCTV બંધ હોવાની નોંધ લીધી. પોલીસકર્મી વસ્ત્રાપુર પોલીસ સ્ટેશનમાં તપાસ કરતા CCTV બંધ હોવાનું આવ્યું સામે હતું. HCએ સરકારને આદેશ કે રાજ્યના તમામ પોલીસ સ્ટેશનના સીસીટીવી કાર્યરત હોવા જોઈએ
ચાલુ કોર્ટે પી રહ્યા હતા ઠંડુ પીણું
15 ફેબ્રુઆરીના રોજ સુનાવણી દરમિયાન ચાલુ કોર્ટે જે પોલીસ કર્મીઓ સામે કેસ દાખલ થયો છે તેઓ ઠંડુ પીણું પી રહ્યા હતા. જેથી આ મામલે કોર્ટે નારાજગી વ્યક્ત કરી. સાથેજ એવું પણ કીધું પોલીસ કર્મીઓના આ વર્તનને લીધે તેમની મુશ્કેલીમાં વધારો થશે. સમગ્ર મામલે કોર્ટ દ્વારા ત્રણેય પોલીસકર્મીઓ વિરુદ્ધ ખાતાકીય તપાસનો આદેશ આપવામાં આવ્યો છે. તેમજ તે વખતે કોર્ટ પરિસરમાં હાજર 100 સ્ટાફના લોકોને પોલીસ કર્મી ઠંડુ પીવડાવે તેઓ પણ આદેશ કર્યો હતો. તે બાદ આજે કાર્યવાહીના ભાગ રૂપે કોર્ટની સામે કર્મીઓ દ્વારા અનાદર કરવામાં આવતા અમદાવાદ પોલીસ કમિશનરે PI એ. એમ રાઠોડ સહિત 3 લોકો સસ્પેન્ડ કરી દીધા છે.
કયા કેસની ચાલી રહી હતી સુનાવણી?
આપને જણાવી દઈએ કે 2019માં એસજી હાઈવે પર ટ્રાફિક પોલીસે મહિલાઓને માર માર્યો હતો. સમગ્ર મામલે કોર્ટ દ્વારા પહેલો પ્રશ્ન એજ કરવામાં આવ્યો કે અરેસ્ટ વોરંટ ન હોવા છતા કેમ મહિલાઓની ધરપકડ કરાવામાં આવી હતી. સાથેજ કોર્ટે એવું પણ કહ્યું કે આવા પોલીસ કર્મીને કારણે પોલીસ વિભાગનું નામ બદનામ થાય છે.
