ન્યૂઝ અપડેટ્સ
VTV / ગુજરાત / ગાંધીનગરના સમાચાર / રામકિશન ઓઝા અને શુભાસિની યાદવ સહિત 4 નેતાને મળી ગુજરાતની જવાબદારી, AICCના સેક્રેટરીની થઈ નિમણૂક
Last Updated: 11:32 PM, 19 November 2026
ADVERTISEMENT
નવી દિલ્હીથી ગુજરાત કોંગ્રેસ માટે મહત્વના સમાચાર સામે આવ્યા છે. અખિલ ભારતીય કોંગ્રેસ સમિતિ (AICC) દ્વારા સંગઠનમાં ફેરફાર કરતાં નવા સચિવોની નિમણૂક કરવામાં આવી છે. 19 નવેમ્બર, 2026ના રોજ કોંગ્રેસના રાષ્ટ્રીય અધ્યક્ષની મંજૂરીથી જાહેર કરાયેલા આદેશમાં ગુજરાતના ચાર નેતાઓને AICC સચિવ તરીકે જવાબદારી સોંપવામાં આવી છે.
ADVERTISEMENT
AICC દ્વારા જાહેર કરવામાં આવેલી યાદી પ્રમાણે રામકિશન ઓઝા, સુભાષિની યાદવ, હેમ સિંહ શેખાવત અને નરેશ ઠાકુરને ગુજરાતના સંગઠનાત્મક પ્રભારી તરીકે સચિવની જવાબદારી સોંપવામાં આવી છે. આ નિમણૂકો તાત્કાલિક અસરથી અમલમાં આવશે.
ગુજરાતમાં આગામી વિધાનસભા ચૂંટણીને ધ્યાનમાં રાખીને કોંગ્રેસ સંગઠનને મજબૂત બનાવવાની દિશામાં આ ફેરફારને મહત્વપૂર્ણ માનવામાં આવી રહ્યો છે. ખાસ કરીને રાજ્યમાં બુથ મેનેજમેન્ટ, કાર્યકરો સાથે સંકલન અને પક્ષના સંગઠનને સક્રિય બનાવવાની જવાબદારી હવે આ નવા સચિવોની રહેશે.
ADVERTISEMENT
ઉલ્લેખનીય છે કે કોંગ્રેસ દ્વારા ગુજરાત ઉપરાંત આસામ, કેરળ, તમિલનાડુ, ઉત્તરાખંડ સહિત વિવિધ રાજ્યોમાં પણ AICC સચિવોની નિમણૂક અને જવાબદારીઓની પુનઃફાળવણી કરવામાં આવી છે.
ADVERTISEMENT
રામકિશન ઓઝા મહારાષ્ટ્રના નાગપુર સાથે સંકળાયેલા કોંગ્રેસના સંગઠનાત્મક નેતા છે. તેઓ અગાઉ પણ ગુજરાત કોંગ્રેસના પ્રભારી AICC સચિવ તરીકે કામ કરી ચૂક્યા છે. માર્ચ 2022માં તેમને પ્રથમ વખત ગુજરાતની જવાબદારી સોંપવામાં આવી હતી. 2023ની લોકસભા ચૂંટણીની તૈયારીઓ દરમિયાન અમદાવાદ પૂર્વ, અમદાવાદ પશ્ચિમ, ખેડા, આણંદ, ગાંધીનગર, મહેસાણા, બનાસકાંઠા, પાટણ અને સાબરકાંઠા સહિત નવ બેઠકોની જવાબદારી પણ તેમને સોંપવામાં આવી હતી.
ADVERTISEMENT
આ પણ વાંચો- ડ્રગ્સ વિરૂધ્ધ કાર્યવાહી : હર્ષ સંઘવીએ પોલીસ વડા સાથે બેઠક કરી, ગૃહ વિભાગના અધિકારીઓ પણ હાજર
ADVERTISEMENT
શુભાસિની યાદવ (Subhashini Sharad Yadav) કોંગ્રેસનાં રાષ્ટ્રીય સ્તરનાં મહિલા નેતા અને પૂર્વ કેન્દ્રીય મંત્રી સ્વર્ગસ્થ શરદ યાદવની પુત્રી છે. તેઓ MBA થયેલાં છે. 2020ની બિહાર વિધાનસભા ચૂંટણીમાં તેમણે મધેપુરા જિલ્લાની બિહારીગંજ બેઠક પરથી કોંગ્રેસની ટિકિટ પર ચૂંટણી પણ લડી હતી.
સંકળાયેલા મુદ્દાઓ
Kalpesh Kandoriya is a journalist with experience at EENADU Digital, Times Internet, and Oneindia News Portal. He specializes in political and crime reporting, delivering credible, insightful coverage