ન્યૂઝ અપડેટ્સ
6 ફોટો ગેલેરી
Last Updated: 09:59 PM, 19 November 2026
1/6
દેવઉઠી એકાદશી બાદ તુલસી અને શાલિગ્રામના વિવાહ કરવાની પરંપરા છે. આ વર્ષે આ પવિત્ર વિવાહ 21 નવેમ્બરે થશે. આ અવસરે તુલસીના છોડને સજાવીને શેરડીનો મંડપ બનાવવામાં આવે છે. આ પરંપરા સદીઓથી ચાલી આવે છે અને તેની પાછળ ધાર્મિક તેમજ પ્રતીકાત્મક મહત્ત્વ છુપાયેલું છે.
2/6
ધાર્મિક માન્યતા અનુસાર શેરડી મીઠાશ, ખુશહાલી અને સમૃદ્ધિનું પ્રતીક માનવામાં આવે છે. તુલસી-શાલિગ્રામના વિવાહમાં શેરડીનો મંડપ બનાવીને સુખ-શાંતિ, સમૃદ્ધિ અને દાંપત્ય જીવનમાં મીઠાશ જળવાઈ રહે તેવી કામના કરવામાં આવે છે. આ રીતે મંડપ તૈયાર કરીને વિવાહની બધી પરંપરાગત વિધિઓનું પાલન કરવામાં આવે છે.
ADVERTISEMENT
3/6
પુરાણોમાં વર્ણવ્યા મુજબ વૃંદા નામની એક પતિવ્રતા સ્ત્રીના વિવાહ અસુરરાજ જલંધર સાથે થયા હતા. વૃંદા ભગવાન વિષ્ણુની પરમ ભક્ત હતી અને તેના પતિવ્રત ધર્મના પ્રભાવથી જલંધર અત્યંત શક્તિશાળી બની ગયો હતો. દેવતાઓને તેને હરાવવું મુશ્કેલ લાગતું હતું. તેથી ભગવાન વિષ્ણુએ જલંધરનો અંત લાવવા માટે વૃંદાના પતિવ્રત ધર્મને ભંગ કર્યો.
4/6
જ્યારે વૃંદાને આ છળનું જ્ઞાન થયું ત્યારે તેણે ભગવાન વિષ્ણુને પથ્થર બની જવાનો શ્રાપ આપ્યો. ભગવાને આ શ્રાપ સ્વીકાર્યો અને શાલિગ્રામ પથ્થરના રૂપમાં પ્રગટ થયા. ત્યારબાદ વૃંદાએ પોતાના પ્રાણ ત્યાગ કર્યા. એવી માન્યતા છે કે તેની રાખમાંથી તુલસીનો છોડ ઉગ્યો. ભગવાન વિષ્ણુએ તુલસીને વરદાન આપ્યું કે શાલિગ્રામ સ્વરૂપમાં તેમની પૂજા તુલસીના દળ વગર અધૂરી ગણાશે. આ જ માન્યતાને કારણે દર વર્ષે દેવઉઠી એકાદશી પછી તુલસી અને શાલિગ્રામનું વિવાહ ઉજવાય છે.
ADVERTISEMENT
5/6
જેમને લગ્નમાં વિલંબ થઈ રહ્યો હોય કે વિવાહ સંબંધી અડચણો આવતી હોય તેઓ દેવઉઠી એકાદશી પછી શ્રદ્ધાપૂર્વક તુલસી-શાલિગ્રામનું વિવાહ કરાવી શકે છે. એવી માન્યતા છે કે વિધિ-વિધાનથી આ વિવાહ કરાવવાથી વિવાહ સંબંધી બાધાઓ દૂર થાય છે અને દાંપત્ય જીવનમાં સુખ, પ્રેમ તથા સામંજસ્ય જળવાઈ રહે છે.
6/6
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
સંકળાયેલા મુદ્દાઓ
ટોપ સ્ટોરીઝ