ગુજરાત / રાજકોટમાં રાહુલ ગાંધી વિરુદ્ધ ભાજપ કાર્યકરોના ઉગ્ર દેખાવો

રાજકોટના જિલ્લા પંચાયત ચોક ખાતે આજે ભાજપના કાર્યકર્તાઓએ કોંગ્રેસ અને રાહુલ ગાંધી વિરુધ્ધ પોસ્ટર દર્શાવી ઉગ્ર વિરોધ કર્યો હતો. ભાજપના કાર્યકરો વિરોધ બાદ કોંગ્રેસ કાર્યાલયનો ઘેરાવો કરવા આગળ જતા હતા ત્યારે પોલીસ સાથે ઘર્ષણ થયું હતું. પોલીસના ચુસ્ત બંદોબસ્તથી કોંગ્રેસ કાર્યાલય સુધી પહોંચી શક્યા ન હતા. પોલીસે ભાજપના આગેવાનો અને કાર્યકરોની અટકાયત કરી હતી.

કોંગ્રેસ કાર્યકરો દ્વારા પણ દેખાવો

રાજકોટમાં ભાજપના કાર્યકરોના વિરોધની સામે કોંગ્રેસના કાર્યકરોએ પણ દેખાવો કર્યા હતા. એનએસયુઆઇ દ્વારા પીએમ મોદીના પોસ્ટરને સળગાવવાનો પ્રયાસ કરવામાં આવ્યો હતો.

આ પણ વાંચોઃ ખોટું થશે સાચું! રાજકોટના જંગલેશ્વરમાં મેગા ડિમોલિશન, 1400થી વધુ ગેરકાયદે સંપત્તિને કરાશે જમીનદોસ્ત

નોધનીય છે કે, દિલ્હીના ભારત મંડપમ ખાતે એઆઇ સમિટ દરમિયાન કોંગ્રેસ દ્વારા વિરોધ નોધાવાયો હતો. આને દેશની છબી ખરડવાનો પ્રયાસ ગણાવીને ઠેર-ઠેર ભાજપ દ્વારા કોંગ્રેસ અને રાહુલ ગાંધીનો વિરોધ કરવામાં આવી રહ્યો છે. ગુજરાતમાં પણ આ વિરોધ પ્રદર્શન જોવા મળી રહ્યુ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ