IMD અપડેટ / કાળઝાળ ગરમી માટે રહેજો તૈયાર, ગરમીનો પારો 3 ડિગ્રી સુધી વધશે, હવામાનની મોટી આગાહી

IMD Forecast : રાજ્યમાં હવે ગરમીનો પ્રકોપ ધીમે ધીમે વધતો જઈ રહ્યો છે. હવામાન વિભાગની આગાહી મુજબ આગામી દિવસોમાં તાપમાનમાં 2 થી 3 ડિગ્રી સુધીનો વધારો જોવા મળી શકે છે. તેથી લોકોને હવે કાળઝાળ ગરમી માટે તૈયાર રહેવાની જરૂર છે.

હવામાન વિભાગની આગાહી મુજબ ખાસ કરીને અમદાવાદ શહેરમાં તાપમાન 36 થી 37 ડિગ્રી સુધી પહોંચવાની શક્યતા વ્યક્ત કરવામાં આવી છે. શહેરમાં આ દરમિયાન વાદળછાયું વાતાવરણ રહેવાની સંભાવના છે, જેનાથી થોડી રાહત મળવાની આશા છે, પરંતુ ઉકળાટનો અનુભવ યથાવત રહી શકે છે.

આ સાથે જો હવે આપણે રાજ્યના અન્ય વિસ્તારોની વાત કરીએ તો કેશોદમાં સૌથી વધુ 37.7 ડિગ્રી તાપમાન નોંધાયું છે, જે ગરમીના વધતા પ્રભાવને દર્શાવે છે. હવામાન વિભાગના જણાવ્યા મુજબ આગામી 24 કલાક દરમિયાન રાજ્યનું વાતાવરણ મુખ્યત્વે શુષ્ક રહેશે.

આ પણ વાંચો : ગુજરાત વિધાનસભામાં UCC બિલ રજૂ, વિધેયક રજૂ કરતા ભારત માતા કી જયના લાગ્યા નારા

આગાહી પ્રમાણે દરિયાકાંઠાના વિસ્તારોમાં પવનની દિશા ઉત્તર પશ્ચિમથી ઉત્તર તરફ રહેવાની શક્યતા છે, જે હવામાનમાં થોડો ફેરફાર લાવી શકે છે. તેમ છતાં, તાપમાનમાં વધારો થવાના કારણે લોકો માટે સાવચેત રહેવું જરૂરી છે.
બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ