ચોંકાવનારું / Video: ભાદરવી પૂનમના મેળા વચ્ચે અંબાજીથી આવ્યા મોટા સમાચાર, પોલીસ હાંફળીફાંફળી થઇ ગઇ

ભાદરવી પૂનમના મેળા દરમિયાન અંબાજીથી એક મોટી ઘટના સામે આવી છે. મંગળવાર મોડી રાત્રે, જ્યારે લાખો યાત્રાળુઓ માતાજીના દર્શન માટે ઉમટી રહ્યા હતા અને મંદિર બંધ થવાનો સમય નજીક હતો, ત્યારે એક યુવક અચાનક મંદિરના શિખર પર ચડી ગયો. આ ઘટના જોઈને યાત્રાળુઓ, સુરક્ષા સ્ટાફ અને પોલીસ બધાં ચોંકી ગયા હતા.

પ્રાથમિક તપાસમાં જાણવા મળ્યું છે કે શિખર પર ચડનાર યુવક મનો દિવ્યાંગ છે. યુવક ધીમે ધીમે ચડીને શિખરના મધ્ય ભાગ સુધી પહોંચ્યો હતો અને ત્યાં સુવર્ણ શિખરના આંટા ફેરા પણ માર્યા હતા. આ દરમ્યાન નીચે ઉભેલા લોકોમાં હડકંપ મચી ગયો હતો. યાત્રાળુઓ માટે આ દ્રશ્ય આશ્ચર્યજનક અને ચિંતાજનક બંને બન્યું હતું.

યુવકને સુરક્ષિત નીચે ઉતારવામાં આવ્યા

ઘટનાની જાણ થતાં જ પોલીસ અને સુરક્ષા કર્મચારીઓ તાત્કાલિક હરકતમાં આવ્યા હતા. ખૂબ જ મહેનત બાદ યુવકને સુરક્ષિત રીતે શિખર પરથી નીચે ઉતારવામાં આવ્યો હતો. સદભાગ્યે આ ઘટનામાં કોઈ અનિચ્છનીય બનાવ બન્યો નથી.

આ પણ વાંચો : પીળા કલરની ટીશર્ટ-વ્હાઈટ પેન્ટ, ઇજાગ્રસ્ત હાલતમાં નયન પ્રવેશ્યો સ્કૂલમાં, છતાંય સ્ટાફ મદદે ના આવ્યો

પોલીસે યુવક અંગે વધુ તપાસ હાથ ધરી છે અને તેની માનસિક સ્થિતિને ધ્યાનમાં રાખીને જરૂરી કાર્યવાહી શરૂ કરી છે. અંબાજી મંદિર જેવા ધાર્મિક સ્થળ પર આવી ઘટના બનતા લોકોમાં ચર્ચાનો વિષય બન્યો છે, સાથે જ સુરક્ષા વ્યવસ્થાની કસોટી પણ થઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ