બિગ બ્રેકિંગ / VIDEO : અમદાવાદમાં પ્લેન ક્રેશની દુર્ઘટનાથી હડકંપ, જુઓ લાઈવ દ્રશ્યો

અમદાવાદમાં એક મોટી દુર્ઘટના બની છે જેમાં મેઘાણીનગર વિસ્તારમાં એક વિમાન દુર્ઘટનાગ્રસ્તની ઘટના બની છે. IGP કમ્પાઉન્ડમાં પ્લેન ક્રેશ થયું હોવાના સમાચાર સામે આવી રહ્યાં છે. હાલ દુર્ઘટનાને પગલે રસ્તાઓ બંધ કરી દેવામાં આવ્યા છે. આ ઘટનાના વીડિયો સામે આવી રહ્યાં છે.

એર ઈન્ડિયાનું વિમાન હોવાની પ્રાથમિક માહિતી

સૂત્રો પાસેથી મળતા અહેવાલ મુજબ પેસેન્જર વિમાન હોવાની પ્રાથમિક માહિતી છે તેમજ એર ઈન્ડિયાનું વિમાન છે. ફ્લાઈટ લંડન તરફ જઈ રહી હતી હોવાનું પ્રાથમિક અનુંમાન લગાવાય રહ્યું છે. આ દુર્ઘટનાને પગલે બહુમાળી ઈમારતોને નુકસાન થવાની પ્રાથમિક માહિતી મળી રહી છે.

વધુ વાંચો : અમદાવાદમાં 242 પેસેન્જર સાથેનું એર ઇન્ડિયાનું પ્લેન ક્રેશ, અનેકના મોતની આશંકા

વિમાનમાં 242 યાત્રિકો સવાર હતા

હાલ પ્રાથમિક માહિત મુજબ વિમાનમાં 242 યાત્રિકો સવાર હતા. જેમાં અનેક મુસાફરોના મોતની આશંકા છે. ઈજાગ્રસ્તોને તાત્કાલિક 108 મારફતે હોસ્પિટલમાં ખસેડવામાં આવ્યા છે.

ઘટનાને પગલે તંત્ર દોડતું થયું

અમદાવાદમાં પ્લેન ક્રેશ થતાં દૂર સુધી ધુમાડાના ગોટેગોટા જોવા મળ્યા. હાલ ઈજાગ્રસ્ત પેસેન્જરોને સિવિલ હોસ્પિટલમાં લઈ જવામાં આવ્યા છે. પોલીસ તંત્ર અને સ્થાનિક તંત્ર દોડતું થયું છે.

વધુ વાંચો :

સિવિલમાં દોડાદોડી થઈ ગઈ

અમદાવાદના મેઘાણીનગરમાં આજે મોટી દુર્ઘટના બની છે જેમાં પ્લેન ક્રેશ થતા સિવિલમાં દોડાદોડી થઈ ગઈ હતી. જેની અંદરના વીડિયો સામે આવ્યા છે.

વધુ વાંચો : અમદાવાદમાં 242 પેસેન્જર સાથેનું એર ઇન્ડિયાનું પ્લેન ક્રેશ, 50ના મોત, સિવિલમાં રોકકળ

પ્લેન સાત મિનિટ મોડું ઉપડ્યું હતું

અમદાવાદમાં પ્લેન સાત મિનિટ મોડું ઉપડ્યું હતું અને વિમાનના ટેક ઓફ બાદ તરત જ પ્લેન ક્રેશ થયુ હતું. પ્લેન ક્રેશ થયો તેનો વીડિયો પણ સામે આવ્યો છે.

દુર્ઘટના અંગે કેન્દ્રીય ગૃહમંત્રીએ માહિતી મેળવી

અમદાવાદ દુર્ઘટના અંગે કેન્દ્રીય ગૃહમંત્રી અમિત શાહે માહિતી મેળવી છે અને ભૂપેન્દ્ર પટેલ સાથે વાતચીત કરી છે. રાહત અને બચાવ યુદ્ધના ધોરણે ચાલુ કરી દેવામાં આવ્યું છે.

ફ્લાઈટમાં વિજય રુપાણી હતા

અમદાવાદ પ્લેન ક્રેશમાં પૂર્વ મુખ્યમંત્રી વિજય રૂપાણી હોવાનું પણ સામે આવ્યું છે. મુસાફરો જે લિસ્ટ છે તેમાં 12 નંબરમાં વિજય રૂપાણીનું નામ સામેલ છે. બોર્ડિગ પાસનો ફોટો પણ વાયરલ થયો છે. આ જ ફ્લાઈટમાં લંડન જવા હતા.

એરપોર્ટ સાંજે 5 વાગ્યા સુધી બંધ રહેશે

અમદાવાદની તમામ ફ્લાઈટ અનિશ્ચિત સમય માટે રદ કરવામાં આવી છે. પ્લેન ક્રેશની ઘટનાને પગલે એરપોર્ટ સાંજ 5 વાગ્યા સુધી બંધ રાખવામાં આવ્યું છે. દુર્ઘટના સ્થળે બચાવ અને રાહત કામગીરી ચાલી રહી છે.

PM મોદીએ ગૃહમંત્રી અને નાગરિક ઉડ્ડયન મંત્રી સાથે વાત કરી : સૂત્ર

સૂત્રો પાસેથી મળતી માહિતી મુજબ અમદાવાદ પ્લેન ક્રેશની દુર્ઘટનાને પગલે PM મોદીએ ગૃહમંત્રી અમિત શાહ અને નાગરિક ઉડ્ડયન મંત્રી રામ મોહન નાયડુ સાથે વાત કરી. વડાપ્રધાન મોદીએ અમદાવાદ જવા અને વિમાન દુર્ઘટનામાં અસરગ્રસ્ત લોકોને શક્ય તેટલી મદદ પૂરી પાડવા જણાવ્યું છે.