ટેક્નોલોજી / શું ગૂગલ સ્પેસ ફુલ થવાના મેસેજથી તમે પણ કંટાળ્યા છો?, તો અપનાવો આ ટિપ્સ

જો તમને ગૂગલનું સ્ટોરેજ ફુલ થવાના મેસેજ મળી રહ્યા છે અને તમે ગૂગલ ક્લાઉડ સ્ટોરેજનો ઉપયોગ કરવાનું વિચારી રહ્યા છો.તો ગૂગલનો સ્ટોરેજ ભરાઈ જવાનું કારણ ઘણી ફોન સુવિધાઓ છે જે તમારા ફોનને સતત ભરી દે છે અને જગ્યા રોકે છે. જો તમે વિચારી રહ્યા છો કે એક પૈસો પણ ખર્ચ્યા વિના ગૂગલ સ્પેસ કેવી રીતે ખાલી કરવી તો આ ટિપ્સ મદદરૂપ થઈ શકે છે.

Google ડ્રાઇવમાંથી મોટી ફાઇલો શોધો અને ડિલીટ કરો

તમારા ફોન પરની સૌથી મોટી ફાઇલો સૌથી વધુ જગ્યા રોકે છે અને તમારા ફોનના Google One પેજ પર હોય છે, તેથી શક્ય તેટલી વધુ ફાઇલો ડિલીટ કરતા રહો. તમારે જરૂર ન હોય તેવી કોઈપણ ફાઇલો કાઢી નાખો. ડુપ્લિકેટ વસ્તુઓ, ઝિપ ફોલ્ડર્સ અને જૂના બેકઅપ્સ બધી ઘણી GB જગ્યા રોકે છે,જેથી તેને સમયસર ડિલીટ કરતા રહો.

ગૂગલ ફોટોઝને ઑપ્ટિમાઇઝ કરીને જગ્યા બનાવો

જો તમે ગૂગલ ફોટોઝને તેમની ઓરિજીનલ ક્વોલિટીમાં સાચવી રહ્યા છો, તો તે તમારા ફોન પર ઘણી જગ્યા રોકે છે. તમારે તેમને સ્ટોરેજ સેવર મોડમાં સાચવવા જોઈએ, જે અગાઉ હાઇ ક્વોલિટી મોડ તરીકે ઓળખાતું હતું. ફોટાની વિઝ્યુઅલ ગુણવત્તા સાથે કોમ્પ્રોમાઈઝ કર્યા વિના ફાઇલ કદ ઘટાડે છે. આવું કરવા માટે ગૂગલ ફોટોઝ સેટિંગ્સ પર જાઓ, પછી અપલોડ ક્વોલિટી પર જાઓ અને તેને સ્ટોરેજ સેવરમાં બદલો.

Gmail માં લાર્જ અટેચમેન્ટ્સ ડિલીટ કરો

જો Gmail તમારી Google જગ્યાનો ઘણો ભાગ રોકી રહ્યું હોય, તો લાર્જ અટેચમેન્ટ્સ જૂના ઇમેઇલ્સ સાફ કરો અને બિનજરૂરી અટેચમેન્ટ્સ ડિલીટ કરી નાખો. 10 MB કરતા મોટા અટેચમેન્ટ્સ ઇમેઇલ્સને ફિલ્ટર કરો અને કાઢી નાખો.

આ પણ વાંચોઃ Google સ્ટોરેજ થઇ ગયું છે ફુલ તો ચિંતા ન કરો, આ Gmail ઉપયોગી સાબિત થશે

બધી Google એપ્લિકેશન્સમાં ટ્રેશ ખાલી કરો

બધી Google એપ્લિકેશન્સમાં ટ્રેશ ખાલી કરો. ભલે તે દર 30 દિવસે આપમેળે સાફ થાય છે, જેને ડિલીટ કરવામાં ન આવે ત્યાં સુધી Google જગ્યા રોકતા રહે છે. તેથી, તમારે Google એપ્લિકેશન્સમાં ટ્રેશને મેન્યુઅલી કાઢી નાખવું જોઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ