ટેક / Googleએ પ્લે સ્ટોરથી હટાવી 17 લાખ ફેક એપ્સ, હવે નહીં ચોરાઈ શકે તમારો ડેટા

Googleએ Play Store માંથી 1.75 મિલિયનથી વધુ ફેક અને શંકાસ્પદ એપ્લિકેશનો દૂર કરી છે. આ સ્કેમર્સ માટે એક મોટો ફટકો છે અને 2025 સુધીમાં એન્ડ્રોઇડને વધુ સુરક્ષિત બનાવવાની દિશામાં એક મહત્વનું પગલું મનાય છે.

19 ફેબ્રુઆરીના રોજ એક બ્લોગ પોસ્ટમાં જણાવાયું હતું કે, Googleએ પ્રાઇવેસી અને સુરક્ષા નિયમોનું ઉલ્લંઘન કરતી અનેક એપ્લિકેશનોને નોટિસ ઈશ્યુ કરી હતી. Play Store માંથી આ એપ્લિકેશનોને દૂર કરવા સિવાય ગૂગલે લગભગ 80,000 ડેવલપર એકાઉન્ટ્સને પણ બ્લોક કર્યા છે જે અનેકવાર સ્કેમ્સ અને પોલિસી વાયલેશનમાં સામેલ હતા.

• માલવેરવાળી એપ્લિકેશનો
  પ્રતિબંધિત મોટાભાગની એપ્લિકેશનોમાં અનેક સમસ્યાઓ હતી. માલવેર તમારા પૈસા ચોરી શકે છે, ગુપ્ત રીતે તમને સબ્સ્ક્રિપ્શન માટે સાઇન અપ કરી શકે છે, તમારો ડેટા ચોરી શકે છે અને તમારી પ્રાઇવેસી સાથે ચેડા પણ કરી શકે છે. ગૂગલે જણાવ્યું હતું કે AI-પાવર્ડ પ્લે પ્રોટેક્ટ ટૂલ્સ આ એપ્લિકેશનોને કોઈના સ્માર્ટફોન સુધી પહોંચે તે પહેલાં જ આઈડેન્ટિફાય કરે છે.
  

• ગૂગલે અનેક એપ્લિકેશનોને બ્લોક કરી
  સિક્યુરિટી સ્માર્ટનેસ લગભગ 2,55,000 એપ્લિકેશનોને સેન્સેટિવ યુઝર ડેટાને ઍક્સેસ કરવાથી રોકી શકે છે. ગૂગલે સ્ટોરમાંથી 80,000 ડેવલપર એકાઉન્ટ્સ દૂર કર્યા છે સાથે હવે આ ડેવલપર્સને ફરીથી પ્લે સ્ટોર ઍક્સેસ કરવાથી પ્રતિબંધિત કરવામાં આવશે. આ એપ્સ સ્માર્ટફોન યુઝર્સને સ્કેમ્સ અને મલિસીયસ સોફ્ટવેર મોકલી રહી હતી. આથી સેફટીને પ્રાથમિકતા માનીને ગૂગલે તેમને બ્લોક કર્યા છે.

વધુ વાંચો : Vivoનો મોટો ધમાકો! 6500mAh બેટરી સાથે લોન્ચ થઇ Vivo V70 Series

• પ્લે સ્ટોર પર ડેટા સેફ્ટી
  આ બધું એન્ડ્રોઇડને ક્લીનઅપ કરવાના મોટા પ્રયાસનો એક હિસ્સો છે. ગૂગલ તેની પ્રાઇવેસી પોલિસીને કડક બનાવી રહ્યું છે અને એપ્લિકેશન્સ ડેવલોપ અને લોન્ચ કરવામાં આવે ત્યારે તેનું નજીકથી નિરીક્ષણ કરી રહ્યું છે. હવે AI ટૂલ્સ શરૂઆતના તબક્કાથી જ એપ્લિકેશન્સનુ રીવ્યુ કરે છે અને Android સ્ટુડિયો અને પ્લે સ્ટોરના ડેટા સેફ્ટી વિભાગોમાં પ્લગ કરવામાં આવે છે. જેમાં તે કોઈપણ સસ્પિશિયસ એક્ટિવિટીને ઝડપથી શોધી કાઢે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ