તમારા કામનું / વોટ્સએપ હેક થઈ જાય તો ગભરાતા નહીં, બસ તરત કરી લેજો આ કામ

વિશ્વમાં કરોડો લોકો WhatsAppનો ઉપયોગ કરે છે. જેમાં વાતચીત હોય કે ફોટા કે વીડિયો શેર કરવામાં આવે છે. WhatsApp લોકોના રોજિંદા જીવનનો એક અભિન્ન હિસ્સો બની ગયું છે. આથી જ હેકર્સ હવે WhatsApp પર લોકોને નિશાન બનાવી રહ્યા છે. જેમાં સહેજ પણ બેદરકારી તમારા WhatsApp એકાઉન્ટને હેક કરી શકે છે.

• WhatsApp કેવી રીતે થાય છે હેક ?

સાયબર ક્રિમિનલ્સ ઘણીવાર યુઝર્સને ફોન કરે છે અને સરકારી વિભાગો, વીજળી કંપનીઓ, પાણી બોર્ડ કે બેંકોના અધિકારીઓ તરીકે પોતાને રજૂ કરે છે. જેમાં તેઓ દાવો કરે છે કે બિલ અપડેટ કે તાત્કાલિક વેરીફીકેશનની જરૂર છે. પછી તેઓ WhatsApp દ્વારા APK ફાઇલ કે લિંક મોકલે છે.

એકવાર કોઈ વ્યક્તિ તેને ડાઉનલોડ અને ઇન્સ્ટોલ કરી લે છે પછી સ્કેમર્સ પાસે જરૂરી પરમીશન પહોંચી જાય છે જેનાથી તેઓ ફોન પર સંપૂર્ણ કંટ્રોલ મેળવી શકે છે. ત્યાર બાદ તેઓ તમારી બેંકમાંથી કોલ્સ, મેસેજ અને OTP પણ સીધા સ્કેમરના સંપર્કને ફોરવર્ડ કરવામાં આવે છે. આ ફ્રોડ કરનારાઓ એ જ મોબાઇલ નંબરનો ઉપયોગ કરીને પોતાના ફોન પર WhatsApp એક્ટીવ કરે છે અને પીડિતના ફ્રેન્ડ અને સંબંધીઓને પૈસાની માંગણી કરીને મેસેજ મોકલે છે.

• સાયબર ક્રાઇમ કેવી રીતે કરે છે કામ ?

ધારો કે તમારા મિત્રને તમારા નામે એક મેસેજ મોકલવામાં આવી રહ્યો છે. જેમાં દાવો કરવામાં આવ્યો છે કે તમે મુશ્કેલીમાં છો અને તરત પૈસાની જરૂર છે. જ્યારે તમારો મિત્ર તમને ફોન કરવાનો પ્રયાસ કરે છે ત્યારે કોલ ફોરવર્ડિંગને કારણે કોલ તમારા સુધી પહોંચતો નથી. આથી તેઓ માની લે છે કે તમે ખરેખર મુશ્કેલીમાં છો અને પૈસા મોકલે છે.

• જો તમારું WhatsApp હેક થઈ ગયું હોય તો શું કરવું?

1. ##21# ડાયલ કરો: જો તમને શંકા હોય કે તમે કોઈ શંકાસ્પદ APK ફાઇલ કે લિંક ખોલી નાખી છે તો પહેલા તમારા સ્માર્ટફોન પર ##21# ડાયલ કરો. આ કોલ ફોરવર્ડિંગ અને બીજા ફોરવર્ડિંગ સર્વિસ વિશે માહિતી આપશે. જો કોઈ શંકાસ્પદ સર્વિસ ચાલી રહી હોય તો તમે તેને તરત જ બંધ કરી શકો છો.
2. WhatsApp ની રિપોર્ટ પ્રોસેસ : WhatsApp ની ઇન્સ્ટ્રક્શનનું પાલન કરીને તમારા એકાઉન્ટને સિક્યોર કરવા માટે WhatsApp ની ઓફીશીયલ રિપોર્ટિંગ પ્રોસેસનો ઉપયોગ કરો. એકવાર તમારું એકાઉન્ટ રીસ્ટોર થઈ જાય પછી તમારા રજિસ્ટર્ડ મોબાઇલ નંબર પર એક OTP મોકલવામાં આવશે. બાદમાં તમે તમારા WhatsApp પર ફરીથી કંટ્રોલ મેળવી શકશો.
3. પોલીસ સાથે APK ફાઇલ શેર કરો : જો તમારી પાસે હજુ પણ શંકાસ્પદ APK ફાઇલ હોય તો તેને સાયબર પોલીસને સોંપી દો. આ તપાસ એજન્સીઓને ફ્રોડ કરનારાઓને શોધવામાં મદદ કરશે. જેમાં કોઈપણ પોલીસ સ્ટેશનમાં ફરિયાદ નોંધાવી શકાય છે.
4. ટુ-ફેક્ટર ઓથેન્ટિકેશન: વોટ્સએપ પર ટુ-ફેક્ટર ઓથેન્ટિકેશન (2FA) ઈનેબલ હોવું જરૂરી છે. એના માટે OTP સાથે એક વધારાનો PIN સેટ કરવો જરૂરી છે. એકવાર ઈનેબલ થઈ ગયા બાદ કોઈ પણ વ્યક્તિ માત્ર OTP નો ઉપયોગ કરીને તમારા સ્માર્ટફોન પર તમારા WhatsApp એકાઉન્ટને ઍક્સેસ કરી શકશે નહીં.
5. 'સંચાર સાથી' પોર્ટલ પર ફરિયાદ : આ બાબત નાની લાગે છે પરંતુ તે એક મહત્વનું પગલું છે. જો કોઈ શંકાસ્પદ નંબર પરથી ફ્રોડ કરતો કોલ કરે છે કે તમને APK ફાઇલ મોકલે છે તો તમે તરત જ સ્ક્રીનશોટ લઈ શકો છો અને સરકારના 'સંચાર સાથી' પ્લેટફોર્મ પર ફરિયાદ નોંધાવી શકો છો. આ સરકારને આવા નંબરો અને ડીવાઈઝ સામે કાર્યવાહી કરવામાં મદદ કરશે. જેનાથી ફ્રોડનો ભોગ બનતા અટકાવશે.

વધુ વાંચો : 2 લાખથી વધુની ખરીદી કરી અને કરી આ ભૂલ તો ભરવો પડશે મોટો દંડ

• મહત્વપૂર્ણ ટિપ્સ

અજાણ્યા સ્ત્રોતોમાંથી ક્યારેય APK ફાઇલો ડાઉનલોડ કરશો નહીં. બેંકો, જરૂરી સેવાઓ કે સરકારી કચેરીઓમાંથી આવતી હોવાનો દાવો કરતી લિંક્સ પર ક્લિક કરતા પહેલા તેને વેરીફાઈ કરો. તમારા WhatsApp પર હંમેશા 2-ફેક્ટર ઓથેન્ટિકેશન રાખો. જો તમને કંઈપણ શંકાસ્પદ લાગે તો તરત સાયબર હેલ્પલાઇન (1930) પર કૉલ કરો કે નજીકના પોલીસ સ્ટેશન પર જાઓ. અનનોન કોલર્સ કે કોઈપણ પ્રકારના લિંક શોર્ટકટ ધરાવતા મેસેજથી સાવધાન રહો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ