- હવે gmailમાં પણ યુઝર્સને મળશે બ્લુ ટીક સર્વિસ
- google દ્વારા સત્તાવાર રીતે જાહેરાત
- આ સેવાથી ઇમેલ મોકલનારની યોગ્ય રીતે ઓળખ થઈ શકશે
સોશિયલ મીડિયા પ્લેટફોર્મ ટ્વીટર, ફેસબુકની માફક હવે gmailમાં પણ યુઝર્સને બ્લુ ટીક સર્વિસ આપવામાં આવશે. આ મામલે google દ્વારા સત્તાવાર રીતે જાહેરાત કરવામાં આવી છે. બ્લુ ટીક સર્વિસને લઈને google એ જણાવ્યું કે આ સુવિધાની સાથે ઇમેલ મોકલનારની યોગ્ય રીતે ઓળખ થઈ શકશે અને લોકો ફ્રોડ ઇમેલ મોકલનારને આસાનીથી ઓળખી શકશે. યુઝર્સને છેતરપિંડીનો ભોગ બનતા અટકાવવાની દિશામાં કાર્યવાહીના ભાગરૂપે બ્લુ ટીક સેવા શરૂ કરાઇ છે. Google દ્વારા આ સેવા ગૂગલ વર્કસ્પેસ, જી સ્યુટ, બેઝિક અને બિઝનેસના તમામ ગ્રાહકો માટે હાલ ઉપલબ્ધ કરી દેવામાં આવી છે.
તબક્કાવાર આ સેવા શરૂ કરવામાં આવશે
ખાસ વાત એ છે કે google દ્વારા આ બ્લુટીક સર્વિસ ફ્રી રાખવામાં આવી છે એટલે કે તેનો કોઈ ચાર્જ ચૂકવવાનો થતો નથી અને ટૂંક સમયમાં આ સેવા વ્યક્તિગત google એકાઉન્ટ ધારકોને માટે પણ શરૂ કરી દેવામાં આવશે. ટ્વિટરની જે રીતે રૂપિયા વસુલે છે. તેવી રીતે આ સેવા માટે કોઈ પૈસા ચૂકવવાના થતા નથી કંપનીઓને બ્લુટીક સર્વિસ આપવામાં આવી રહી છે ફક્ત તે જ કંપનીઓ તેનો લાભ લઇ શકશે. સૌપ્રથમ ખ્યાતનામ કંપનીઓને આ બ્લુટીકની સર્વિસ આપવામાં આવશે.
આ સેવા હાલ નિઃશુલ્ક શરૂ કરવામાં આવી
કંપની દ્વારા પ્રથમ પ્રખ્યાત કંપનીઓ ત્યારબાદ ખ્યાતનામ હસ્તીઓ, મીડિયા સાથે સંકળાયેલા વ્યક્તિઓ અને બાદમાં અન્ય લોકો એમ તબક્કાવાર આ સેવા શરૂ કરવામાં આવશે. બ્લુ ટિક માટે સૌ પ્રથમ એકાઉન્ટ વેરીફિકેશન કરાવવું પડશે. ત્યારબાદ ટ્વીટર અને facebook instagram ની જેમ જ આ સેવા હશે. નોંધનીય છે કે ટ્વિટરની બ્લુ ટિક સેવા પેઇડ છે. એટલે કે તેના માટે દર મહિને 900 રૂપિયા અને ગોલ્ડ ટીક માટે કંપનીઓને 1000 ડોલર ચૂકવવા પડશે. પરંતુ gmail દ્વારા આ સેવા હાલ નિઃશુલ્ક શરૂ કરવામાં આવી રહી છે.
