સ્પોર્ટ્સ / ફ્રી..ફ્રી..ફ્રી..., ફેન્સ માટે ખુશખબરી, 2025ની તમામ મેચની ટિકિટ મળશે મફતમાં!

મેન્સ હોકી એશિયા કપ 2025નું આયોજન આગામી 29 ઓગસ્ટથી બિહારના રાજગીરથી શરૂ થવા જઈ રહ્યું છે, જ્યાં દરેક ટીમો બિહાર પહોંચી ગઈ છે. ભારતીય હોકી ટીમનો પહેલો મુકાબલો 29 ઓગસ્ટે ચીન સાથે છે. આ પહેલા હોકી ઇન્ડિયાએ મોટી જાહેરાત કરીને ફેન્સને સારા સમાચાર આપ્યા છે. આ એશિયા કપ મેચોની ટિકિટ ફ્રી રહેશે. જ્યાં ફેન્સ સ્ટેડિયમમાં જઈ શકશે અને કોઈપણ મેચને ફ્રીમાં જોઈ શકશે.

હોકી ઈન્ડિયાએ આ જાહેરાત કરતા પોતાના નિવેદનમાં જણાવ્યું હતું કે, "હિરો મેન્સ એશિયા કપ રાજગીર, બિહાર 2025ની દરેક મેચોમાં એન્ટ્રી ફ્રી રહેશે. 29 ઓગસ્ટથી 7 સપ્ટેમ્બર 2025 સુધી રાજગીર હોકી સ્ટેડિયમમાં રમાનારી આ ટુર્નામેન્ટ બિહારના દિલ (રાજગીર)માં હોકીનો એક ભવ્ય ઉત્સવ હોવાનો વાયદો કરે છે."

• એશિયા કપ મેચો માટે ફ્રી ટિકિટ આ રીતે બુક કરવી
  

હોકી ફેન્સ wwe.ticketgenie.in અથવા હોકી ઈન્ડિયાની એપ પર જઈને ફ્રી ટિકિટ બુક કરી શકે છે. અહીંયા પ્રોસેસ પૂર્ણ કર્યા બાદ તમને વર્ચ્યુઅલ ટિકિટ મળશે. ટિકિટ બુક કરવાની રીત સરળ રાખવામાં આવી છે. વર્ચ્યુઅલ ટિકિટ ફેન્સ માટે સરળ બનાવશે અને દરેક વ્યક્તિ સરળતાથી તેમની સીટ સુધી પહોંચી શકશે.

• એશિયા કપ હોકી ટ્રોફીનું અનાવરણ
  

કેન્દ્રીય યુવા બાબતો અને રમતગમત મંત્રી મનસુખ માંડવિયાએ સોમવારે નવી દિલ્હીમાં હોકી મેન્સ એશિયા કપ 2025 ટ્રોફીનું અનાવરણ કર્યું હતું. આ ટુર્નામેન્ટની 12મુ એડીશન છે, જે 29 ઓગસ્ટથી 7 સપ્ટેમ્બર દરમિયાન બિહારના રાજગીરમાં યોજાશે.

• હોકી એશિયા કપ 2025માં ભારતનો શેડ્યૂલ
  

1. 29 ઓગસ્ટ: ભારત VS ચીન
   
2. 31 ઓગસ્ટ: ભારત VS જાપાન
   
3. 1 સપ્ટેમ્બર: ભારત VS કઝાકિસ્તાન
   

વધુ વાંચો : ટીમ ઈન્ડિયાની જર્સી પર DREAM 11ના બદલે હવે દેખાશે આ કંપની નામ!

ઉલ્લેખનીય છે કે, ભારતની ટીમનો પૂલ 'A'માં સમાવેશ કરવામાં આવ્યો છે. જેમાં તેની સાથે ચીન, જાપાન અને કઝાકિસ્તાન છે. પૂલ 'B'માં ચાઇનીઝ તાઇપેઈ, મલેશિયા, દક્ષિણ કોરિયા અને બાંગ્લાદેશ છે. પાકિસ્તાને આ ટુર્નામેન્ટમાંથી પોતાનું નામ પાછું ખેંચી લીધું હતું, ત્યારબાદ તેની જગ્યાએ બાંગ્લાદેશનો સમાવેશ કરવામાં આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ