- જામનગરમાં કાર અને બાઈક વચ્ચે અકસ્માત સર્જાયો
- અકસ્માતમાં બાઈક પર સવાર કાકા-ભત્રીજાનું મોત
- મહેસાણામાં દૂધનાં ટેન્કર અને રીક્ષા વચ્ચે અકસ્માત સર્જાયો
- અકસ્માતમાં 4 વ્યક્તિઓનાં મોત ઘાયલોને સારવાર અર્થે ખસેડાયા
સગાઈમાં જતા સમયે કાકા અને ભત્રીજાને નડ્યો અકસ્માત
જામનગરનાં ધ્રોલ-ટંકારા વચ્ચે કાર અને બાઈક વચ્ચે અકસ્માત સર્જાતા બાઈક પર સવરા કાકા અને ભત્રીજાનું મોત નિપજ્યું હતું. સગાઈમાં જતા સમયે કાકા અને ભત્રીજાને અકસ્માત નડ્યો હતો. અકસ્માત બાદ કાર ચાલક ઘટનાં સ્થળેથી ફરાર થઈ ગયો હતો. અકસ્માત સર્જાતા સ્થાનિકો મોટી સંખ્યમાં એકઠા થયા હતા.
સગીરે 5થી 6 વાહન સહિત લોકોને લીધા અડફેટે
ભાવનગરમાં માતા-પિતાની આંખ ખોલતો કિસ્સો પ્રકાશમાં આવ્યો છે. જેમાં 16 વર્ષીય સગીરે ઓવર સ્પીડ કાર ચલાવી વાહનોને અડફેટે લીધા હતા. જન્મ દિવસની ઉજવણી માટે લાવવામાં આવેલી કારને સગીરે બેફામ ચલાવી હતી. સગીરે 5 થી 6 વાહન સહિત લોકોને અડફેટે લીધા હતા. અકસ્માત બાદ ભાગી રહેલા સગીર અને તેનાં મિત્રોને લોકોએ પકડ્યા હતા. આ અકસ્માતમાં 4 થી 5 જેટલા લોકો ઈજાગ્રસ્ત થયા હતા. આ મામલે ભાવનગર ડી-ડિવિઝન પોલીસે તપાસ શરૂ કરી છે.
રિવર્સ ચાલી રહેલા ટ્રકે રિક્ષાને અડફેટે લીધી
દ્વારકાનાં મુખ્ય બજાર ભથાળ ચોકમાં રિવર્સ ચાલી રહેલા ટ્રકે રિક્ષાને અડફટે લીધી હતી. જેથી રિક્ષામાં સવાર દિવ્યાંગ મહિલાને ટ્રકે કચડી હતી. જે બાદ ટ્રક દુકાનમાં ઘુસી ગઈ હતી.
રિક્ષા અને દુધના ટેન્કર વચ્ચે અકસ્માત
મહેસાણાનાં સતલાસણા ગોઠડા હાઈવે પર ગમખ્વાર અકસ્માત સર્જાયો હતો. જેમાં રિક્ષા અને દૂધનાં ટેન્કર વચ્ચે અકસ્માત સર્જાયો હતો. સતલાસણાથી પેસેન્જર રીક્ષા મુસાફર ભરી જતી હતી. પેસેન્જર રીક્ષાને ટ્રકે ટક્કર મારી હતી. અકસ્માતમાં મોતનો આંક 4 પર પહોંચ્યો હતો. અન્ય ઈજાગ્રસ્તોને સારવાર હેઠળ ખસેડાયા છે.
નશાની હાલતમાં ટેમ્પોચાલકે કર્યો અકસ્માત
મહીસાગરનાં સંતરામપુર ગામે નશાની હાલતમાં ટેમ્પો ચાલકે અકસ્માત કર્યો હતો. ટેમ્પા ચાલકે કાર બાદ બાઈકને પણ ટક્કર મારી હતી. સદનસીબે કોઈ જાનહાની થવા પામી ન હતી. ત્યારે સ્થાનિક લોકોએ વાહન ચાલકને પકડી પોલીસને સોંપ્યો હતો.
