પશ્ચિમીકરણનો વિરોધ / છોકરીઓ ફાટેલા જિન્સ પહેરી રહી છે, આ તે કેવા સંસ્કાર, જાણો કયા રાજ્યના સીએમે આપ્યું આ નિવેદન

• બાળ સંરક્ષણ અધિકાર આયોગની કાર્યશાળાને રાવતનું સંબોધન
• મહિલાઓના ફાટેલા જિન્સ પહેરવાને ગણાવ્યું અયોગ્ય
• ફાટેલા જિન્સ પહેરાવથી સમાજમાં બેસશે ખોટો દાખલો
• ફાટેલા જિન્સ પહેરવાથી બાળકો પર શું અસર પડશે-રાવતનો સવાલ 

બાળ સંરક્ષણ અધિકાર આયોગની કાર્યશાળાને સંબોધિત કરતા સીએમ રાવતે જણાવ્યું કે મહિલાઓ ફાટેલા જિન્સ પહેરી રહી છે તેથી સમાજમાં ખોટો દાખલો બેસી રહ્યો છે. આનાથી બાળકોમાં કેવા સંસ્કાર આવે છે તે આપણે વિચારવું જોઈએ. 

#WATCH मैं एक दिन हवाई जहाज से जयपुर से आ रहा था। मेरे बगल में एक बहनजी बैठी थी। मैंने उनकी तरफ देखा नीचे गम बूट थे। जब और ऊपर देखा तो जींस घुटने से फटी हुई थी। 2 बच्चे उनके साथ में थे। महिला NGO चलाती है। समाज के बीच में जाती हो। क्या संस्कार दोगे?: उत्तराखंड CM तीरथ सिंह रावत pic.twitter.com/sGri6pPH7K

— ANI_HindiNews (@AHindinews) March 17, 2021

ફાટેલી જિન્સ પહેરેલી મહિલાનો દાખલો આપ્યો 

સીએમ રાવતે એક ઘટનાનો પણ ઉલ્લેખ કર્યો. તેમણે કહ્યું કે એક વાર તેઓ વિમાનમાં બેસીને જઈ રહ્યા હતા મારી બાજુમાં એક મહિલા તેના બે બાળકોને લઈને બેઠી હતી.આ મહિલાએ ફાટેલું જિન્સ પહેરી રાખ્યું હતું. મેં તેને કહ્યું કે બહેનેજી ક્યાં જવું છે, તો મહિલાએ જવાબ આપ્યો કે દિલ્હી જવું છે, તેમના પતિ જેએનયુમાં પ્રોફેસર છે અને તેઓ ખુદ એક એનજીઓ ચલાવે છે. રાવતે કહ્યું કે આનાથી મને વિચાર આવ્યો કે જે મહિલા એનજીઓ ચલાવતી હોય અને ફાટેલું જિન્સ પહેરતી હોય તે સમાજમાં કેવી સંસ્કૃતિ ફેલાવશે. જ્યારે અમે શાળામાં ભણતા હતા ત્યારે આવું નહોતા કરતા. 

યુવાનો પશ્ચિમી સંસ્કૃતિથી પ્રભાવિત, નશાના રવાડે ચડી રહ્યાં છે

રાવતે એવું પણ જણાવ્યું કે આપણા દેશના યુવાનો નશાના રવાડે ચડી રહ્યાં છે. યુવાનો પશ્ચિમી સંસ્કૃતિથી પ્રભાવિત છે. યુવાનોને નશામુક્તિમાંથી બહાર લાવવા ફક્ત સરકારી પ્રયાસોથી કામ નહીં ચાલે તેને માટે સામાજિક સંગઠનો, સંસ્થાઓ અને સમાજના પ્રતિષ્ઠિત લોકોએ આગળ આવવું પડશે.