- અમદાવાદ-ગાંધીનગર રિંગરોડ પરની ગપ્પા ગાર્ડન હોટલમાં બબાલ
- લુખ્ખા તત્વોએ હોટલકર્મીને કહ્યા અપશબ્દો
- હોટલકર્મીએ અપશબ્દો કહેવાની ના પાડતા કર્યો હુમલો
- ધમા બારડે હોટલકર્મીઓને આપી ધમકી
- લુખ્ખા તત્વોએ હોટલકર્મી પર છરી વડે કર્યો હુમલો
- દાદાગીરીની સમગ્ર ઘટનાના CCTV આવ્યા સામે
Ahmedabad Crime News : અમદાવાદના નરોડા-ગાંધીનગર રીંગરોડ પર આવેલી ગપ્પા ગાર્ડન હોટલમાં બબાલની ઘટના સામે આવી છે. પ્રાથમિક વિગતો મુજબ કુખ્યાત ધમા બારડ, સિટ્ટુ બાપુનગર, કેતન ચપ્પલએ કોઈ બાબતે ધમાલ મચાવી હતી. આ સાથે લુખ્ખા તત્વોએ હોટલકર્મીને અપશબ્દો કહ્યા હતા. જોકે હોટલકર્મીએ અપશબ્દો કહેવાની ના પાડતા હુમલો કરી પિસ્તોલ બતાવીને ધમા બારડે હોટલકર્મીઓને ધમકી આપી હતી. આ તરફ હવે લુખ્ખા તત્વોની દાદાગીરીની સમગ્ર ઘટનાના CCTV સામે આવ્યા બાદ હવે અનેક સવાલો ઊભા થયા છે.
અમદાવાદ-ગાંધીનગર રિંગરોડ પર આવેલ એક હોટલમાં માથાકૂટની ઘટના સામે આવી છે. વિગતો મુજબ ગાંધીનગર રીંગરોડ પર આવેલી ગપ્પા ગાર્ડન હોટલમાં અમદાવાદના કુખ્યાત આરોપી ધમા બારડ અને સિટુ તથા તેના સાગરીતોએ હુમલો કયો હતો. જેમાં હોટલના કર્મચારી સાથે ગાળાગાળી કરવાનીના પાડતા યુવક પર હુમલો કર્યો હતો. આ સાથે યુવકને પિસ્ટલ બતાવી ધમકી આપી છરી વડે હુમલો કરતાં ચકચાર મચી ગઈ છે.
વધુ વાંચો: 4 દિવસ બાદ ફરી ગુજરાતમાં થશે કમોસમી વરસાદની એન્ટ્રી, બે દિવસ તાપમાનમાં કોઇ જ ફેરફાર નહીં: આગાહી
ડભોડા પોલીસે ગુનો નોંધી તપાસ હાથ ધરી
ગાંધીનગર રીંગરોડ પર આવેલી ગપ્પા ગાર્ડન હોટલમાં અમદાવાદના કુખ્યાત આરોપી ધમા બારડ અને સિટુ તથા તેના સાગરીતોના હુમલાની ઘટના બાદ ફરિયાદ નોંધાઈ છે. ધમા બારડે પિસ્ટલ બતાવી સિટુ બાપુનગર અને કેતન ચપ્પલ એ છરી વડે હુમલો કર્યો હતો. આ સાથે અન્ય 8 આરોપી એ ધોકા અને પાઈપ વડે હુમલો કરી સોનાના ચેન લૂંટી લીધી હતી. મહત્વનું છે કે, 8 લાખની 16 તોલાની ચેન લૂંટી જતા ડભોડા પોલીસે ગુનો નોંધી તપાસ હાથ ધરી છે.
- ધમા બારડના આતંક સામે પોલીસ મૌન કેમ તે મોટો સવાલ
- ધમા બારડ કોના જોરે આવી દાદાગીરી કરી રહ્યો છે?
- ડભોડા પોલીસના અધિકારીઓને આ દાદાગીરી દેખાય છે?
- આ લુખ્ખાગીરીને જોયા પછી પણ પોલીસનું લોહી કેમ ઉકળતુ નથી?
- આવા લુખ્ખાઓને પોલીસ કેમ છાવરી રહી છે?
- લુખ્ખાઓને જેલ હવાલે કરીને પોલીસ પાઠ કેમ નથી ભણાવતી?
