કચ્છ / ગાંધીધામમાં ડ્રગ્સનો મોટો ખેલ ખુલ્યો, SOGના હાથે લાગ્યો 11.98 લાખનો મુદ્દામાલ

ગાંધીધામ: કચ્છના ગાંધીધામમાં પોલીસે નશીલી દવાઓના ગેરકાયદેસર જથ્થા સાથે એક શખ્સની ધરપકડ કરી છે. પોલીસે આરોપી પાસેથી કોડેઈન સિરપની 36 બોટલ સહિત વિવિધ પ્રકારની નશીલી દવાઓનો જથ્થો ઝડપી પાડ્યો છે.

પોલીસે આરોપીની ધરપકડ કરી

પોલીસે તોલાણી કોલેજ પાછળ આવેલા મીડ ટાઉન હોટેલ પાસેથી આરોપીની ધરપકડ કરી હતી. તપાસ દરમિયાન આરોપી પાસેથી કોડેઈન સિરપની 36 બોટલ, ટ્રામાડોલ-એસિટામિનોફેનની 352 કેપ્સ્યુલ તેમજ નાઈટ્રાઝેપમની 180 ટેબલેટ મળી આવી હતી.

12 લાખનો મુદ્દામાલ જપ્ત કર્યો

પોલીસે સિરપ અને ટેબલેટ સહિત કુલ અંદાજે રૂ. 12 લાખનો મુદ્દામાલ જપ્ત કર્યો છે. આ મામલે આરોપી વિરુદ્ધ NDPS એક્ટ હેઠળ ગુનો નોંધવામાં આવ્યો છે.

આ પણ વાંચોઃ અમદાવાદના વેપારી સાથે 1.46 કરોડની ઠગાઈ, રૂપિયા ખાતામાં આવતાં જ ઠગ અદ્રશ્ય થઇ ગયો ઠગ

પોલીસે આરોપીની વધુ પૂછપરછ શરૂ કરી

હાલ પોલીસે આરોપીની વધુ પૂછપરછ હાથ ધરી છે અને જપ્ત કરાયેલા નશીલા પદાર્થો ક્યાંથી મેળવવામાં આવ્યા હતા તેમજ આ જથ્થો કોને પહોંચાડવાનો હતો તે અંગે તપાસ શરૂ કરી છે. સમગ્ર મામલે પોલીસની વધુ તપાસ બાદ નશીલા દવાઓના ગેરકાયદેસર નેટવર્ક અંગે મહત્વની વિગતો બહાર આવે તેવી શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ