મહેસાણા / પૂર્વ નાયબ મુખ્યમંત્રી નીતિન પટેલે કર્યો કટાક્ષ, સલાહ આપનારાઓને લઇ કહી આ મોટી વાત

પૂર્વ નાયબ મુખ્યમંત્રી નીતિન પટેલે પોતાના કાર્યકાળને યાદ કરીને કટાક્ષ.વિશ્વ ઉમિયાધામ આયોજિત મા ઉમિયાનો રથ મહેસાણા પહોંચ્યો હતો તે સંદર્ભે કરેલા સંબોધન વખતે નીતિન પટેલે પોતાના કાર્યકાળને યાદ કર્યો અને સલાહ આપનારા વિશે ખુલ્લા મને વાત કરી. નીતિન પટેલે કહ્યું કે અમને કોઇ અનુભવી વ્યક્તિ કોઇ બાબતે સલાહ આપે તો માન્ય છે. કોઇ અધિકારી મને લખવા અંગે પણ ટકોર કરે તો તે બરોબર છે. અમને કોઇ અનુભવી વ્યક્તિ જે તે બાબતે સલાહ આપે તો  તે માન્ય છે.કોઇ ઉદ્યોગપતિ GIDCના પ્રશ્નોને લઇ સૂચન કરે તો બરોબર છે. આરોગ્ય મંત્રી તરીકે મને કોઇ ડૉક્ટર સલાહ આપે તો યોગ્ય છે. પણ ઘણીવાર પત્ની પણ ન માનતી હોય તેવા લોકો અમને સલાહ આપે. કેમ કે કેટલાક લોકો સલાહ ન આપે તો,તેનો દિવસ પુરો ન થતો હોય તેવા હોય છે. હવે સલાહ આપાનારાએ પોતાની કેપેસિટી જોવી પડે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો