તાજેતરમાં જીટીયું સંલગ્ન સરકારી કોલેજમાં માસ કોપી કેસના ઘટના સામે આવવા પામી હતી.આ કોપી કેસમાં સંડોવાયેલા તમામ લોકોને હિયરીંગમાં બોલાવાશે. તેમજ આ સમગ્ર મામલે ટેકનિકલ એજ્યુંકેશન વિભાગને જાણ કરી જવાબદારો સામે કડક કાર્યવાહી કરવામાં આવશે.
Share
તાજેતરમાં જીટીયું સંલગ્ન સરકારી કોલેજોમાં પરીક્ષા પૂર્ણ થવા પામી છે. પરીક્ષા પૂર્ણ થયા બાદ જીટીયું દ્વારા ઉત્તરવહી અને સીસીટીવીની ચકાસણી હાથ ધરાઈ હતી. જેમાં પ્રથમ વખત રાજ્યની સરકારી ડિપ્લોમાં કોલેજનાં વિદ્યાર્થીઓએ માસ કોપી કરી હોવાનું ધ્યાને આવ્યું હતું. ત્યારે આ સમગ્ર બાબતે રજીસ્ટ્રારે જણાવ્યું હતું કે આ કોપી કેસમાં સંડોવાયેલા લોકોને હિયરીંગમાં બોલાવશે. તેમજ સરકારી કોલેજ હોવાથી ટેકનિકલ એજ્યુંકેશન વિભાગને જાણ કરવામાં આવશે.
તમામ લોકોને યુનિવર્સિટીની કમિટી સમક્ષ બોલાવવામાં આવશેઃ કે.એન.ખેર, રજીસ્ટ્રાર, GTU
આ સમગ્ર મામલે ગુજરાત ટેકનિકલ યુનિવર્સિટીનાં રજીસ્ટ્રાર કે.એન.ખેરજીને પૂછતા તેઓએ જણાવ્યું હતું કે, વીન્ટર 2023 ની પરીક્ષામાં 151 કોપી કેસ થયા છે. જેમાં સૌથી વધુ ડિપ્લોમાં કોર્ષમાં 100 કોપી કેસ થયા છે. જેને લઈ જે તે દરેક વિદ્યાર્થીને તેમજ સંસ્થાને નોટીસ મોકલી દેવામાં આવી છે. તેમજ આ તમામ લોકોને યુનિવર્સિટીની કમિટી સમક્ષ બોલાવવામાં આવશે અને તેનું હિયરીંગ કરવામાં આવશે.
કે.એન.ખેર, રજીસ્ટ્રાર, GTU
પ્રથમવાર સરકારી કોલેજમાં માસ કોપી કેસની ઘટના સામે આવી: કે.એન.ખેર, રજીસ્ટ્રાર, GTU
પ્રથમ વખત સરકારી ઈજનેરી કોલેજમાં સૌ પ્રથમ વખત આ પ્રકારની ઘટના બનવા પામી છે. જેમાં વ્યારો પોલીટેકનિક કોલેજમાં મેથેમેટીક્સનાં વિષયમાં કુલ 39 વિદ્યાર્થીઓનાં બ્લોકમાં માસ કોપી કેસની ઘટના બની છે. આ ઘટનાને લઈ વ્યારા કોલેજ સેન્ટરનાં ઈન્ચાર્જ, જુનિયર સુપરવાઈઝર, ખંડ નિરીક્ષકને તેમજ વિદ્યાર્થીઓને હિયરિંગમાં બોલાવવામાં આવશે. તેમજ કસુરવારો સામે યોગ્ય કાર્યવાહી કરવામાં આવશે. તેમજ આ સમગ્ર બાબતે સરકારી કોલેજ હોવાથી ટેનિકલ એજ્યુકેશન વિભાગને જાણ કરવામાં આવી છે.
વર્ગખંડનાં સીસીટીવી ફૂટેજ મંગાવ્યા છેઃ રજીસ્ટ્રાર
હાલ તો તપાસ કરતા પ્રાથમિક દ્રષ્ટિએ માસ કોપી કેસ ધ્યાને આવ્યા છે. જેમાં લખાણ એક સરખું છે. તેમજ તે વર્ગખંડની સીસીટીવી ફૂટેજ પણ આપણે મંગાવ્યા છે. ત્યારે આ સમગ્ર બાબતે કમિટી તપાસ કરી યોગ્ય કાર્યવાહી કરશે.
