દુર્ઘટના / રાજકોટમાં ફન બ્લાસ્ટ ગેમ ઝોનમાં બ્લાસ્ટ, લોકોનો જીવ તાળવે ચોંટ્યો

રાજકોટના કાલાવડ રોડ પર આવેલ ફન બ્લાસ્ટ ગેમ ઝોનમાં રવિવારે અચાનક આગ લાગવાની ઘટના સામે આવી છે. રજાના દિવસે મોટી સંખ્યામાં પરિવાર સાથે લોકો ગેમ ઝોનમાં મોજમસ્તી કરવા પહોંચ્યા હતા ત્યારે આ ઘટનાએ હાહાકાર મચાવ્યો હતો.

જીવ બચાવવા લોકો બહાર દોડ્યા

મળતી માહિતી મુજબ, ગેમ ઝોનમાં અચાનક બ્લાસ્ટ જેવી અવાજ સાથે આગ ભભૂકી ઉઠી હતી. આગ લાગતા જ અંદર રહેલા લોકો ગભરાઈ ગયા અને પોતાનો જીવ બચાવવા માટે તાત્કાલિક બહાર નીકળવા દોડ્યા હતા. ઘટનાસ્થળે અફરાતફરીનો માહોલ સર્જાયો હતો.

શોર્ટ સર્કિટના કારણે આગ લાગી હોવાનું પ્રાથમિક તારણ

પ્રાથમિક તપાસમાં શોર્ટ સર્કિટને આગ લાગવાનું કારણ માનવામાં આવી રહ્યું છે. સદનસીબે, આ ઘટનામાં કોઈ જાનહાનિ નોંધાઈ નથી, પરંતુ હાજર રહેલા લોકો માટે આ ક્ષણો ખુબ જ ભયજનક સાબિત થઈ હતી.

આ પણ વાંચોઃ ગુજરાત સ્થાનિક સ્વરાજ્યની ચૂંટણી: 15 મહાનગરપાલિકામાં લોકશાહીનો ઉત્સવ સંપન્ન

TRP ગેમ ઝોન દુર્ઘટનાની આવી યાદ

આ ઘટનાએ લોકોને તાજેતરની TRP ગેમ ઝોન દુર્ઘટનાની યાદ અપાવી દીધી, જેના કારણે સુરક્ષા વ્યવસ્થાઓ અંગે ફરી પ્રશ્નો ઉઠ્યા છે. સ્થાનિક પ્રશાસન દ્વારા ઘટનાની વધુ તપાસ હાથ ધરવામાં આવી છે અને ગેમ ઝોનની સુરક્ષા વ્યવસ્થાની સમીક્ષા કરવાની પણ વાત કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ