- ફેસબુક અને ઈન્સ્ટાગ્રામ પર બ્લૂ ટિક માટે ચાર્જ
- ટ્વિટર બાદ હવે આ પ્લેટફોર્મ પણ વસૂલશે કિંમત
- મોબાઈલ ડિવાઈઝ અને વેબ માટે અલગ ચાર્જ
એલોન મસ્કે ટ્વિટર પર બ્લૂ ટિકનાં વેરિફિકેશન માટે કિંમત ચાર્જ કરી હતી. હવે સોશિયલ મીડિયા કંપની મેટાએ પણ પોતાના પ્લેટફોર્મ્સ ફેસબુક અને ઈનસ્ટાગ્રામ પર બ્લૂ ટિક માટે ચાર્જ કરવાનો નિર્ણય કર્યો છે. મેટાએ હાલમાં જ અમેરિકામાં મેટા એકાઉન્ટ્સ એટલે કે Facebook અને Instagram એકાઉન્ટને બ્લૂ ટિકની સાથે વેરિફાઈ કરાવવા માટે પ્રતિ માહ 14.99 ડોલરનો ચાર્જ નક્કી કર્યો હતો. હવે તેમાં પણ કેટલાક ફેરફારો કરવામાં આવ્યાં છે.
આ પ્લેટફોર્મ્સ પણ વસૂલશે ચાર્જ
રિપોર્ટ અનુસાર મેટાનાં પ્લેટફોર્મ્સ પર વેરિફિકેશન માટે મોબાઈલ ડિવાઈઝિઝ પર 1450 રૂપિયા પ્રતિ માસ અને વેબ બ્રાઉસરથી સબ્સ્ક્રાઈબ કરવા પર 1009 રૂપિયા પ્રતિ માસ આપવા પડશે. ટ્વિટર બ્લૂ સબ્સક્રિપ્શન દરમિયાન મેટા વેરિફાઈડની મદદથી તમારા ઈન્સ્ટાગ્રામ અને ફેસબુક એકાઉન્ટ બ્લૂ ચેકમાર્ક જોડાઈ જશે. હાલનાં સમયમાં મેટા વેરિફાઈડ બીટા ફેઝમાં ઉપલબ્ધ છે અને યૂઝર્સને પોતાના ફેસબુક અને ઈન્સ્ટાગ્રામ એકાઉન્ટને વેરિફાઈ કરાવવા માટે વેઈટિંગ લિસ્ટને જોઈન કરવું પડે છે.
અન્ય સુવિધાઓનો મળશે લાભ
પ્રોફાઈલ પર બ્લૂ ટિક માર્ક જોડાવા સિવાય, મેટા વેરિફઆઈડ એકાઉન્ટ્સમાં અનેક અન્ય ફિચર્સ અને સુવિધાઓ પણ મળશે. તેમાં પ્રોએક્ટિવ પ્રોટેક્શન, ડાયરેક્ટ કસ્ટમર સપોર્ટ, વધુ રીચ અને એક્સલૂસિવ એક્સ્ટ્રા શામેલ છે. આ વાતને ધ્યાનમાં લેતાં વર્તમાનમાં મેટા વેરિફાઈડ 18 વર્ષથી નીચેની ઉંમરનાં લોકો અને વ્યવસાયો માટે ઉપલબ્ધ નથી.
વેરિફિકેશન માટે કેવી રીતે અપ્લાય કરવું?
- સૌથી પહેલાં about.meta.com/technologies/meta-verified લિંક પર ક્લિક કરો.
- ફેસબુક અથવા ઈન્સ્ટાગ્રામ પર ક્લિક કરી લોગ ઈન કરો.
- ત્યારબાદ વેટિંગ લિસ્ટને જોઈન કરવાનાં ઓપ્શન પર ક્લિક કરો.
- જ્યારે તમારો એકાઉન્ટ વેરિફિકેશન માટે તૈયાર થઈ જશે ત્યારે તમને ઈ-મેઈલ આવશે.
