- રાશિદ ખાનનો કેચ જોઈને દિગ્ગજ ખેલાડીઓ પણ ચોંકી ગયા
- વીડિયો સોશિયલ મીડિયા પર વાયરલ થઈ રહ્યો છે
- રાશિદ ખાનના અદભૂત કેચનો વીડિયો વાયરલ
રાશિદ ખાનનો કેચ જોઈને દિગ્ગજ ખેલાડીઓ પણ ચોંકી ગયા છે. તેના આ કેચને સિઝનનો સર્વશ્રેષ્ઠ કેચ કહી શકાય. જણાવી દઈએ કે લખનૌ સુપરજાયન્ટ્સ સામેની મેચમાં રશીદ ખાનના કાયલ માયર્સના કેચની પ્રશંસા કરતા વિરાટ કોહલીએ લખ્યું, "મેં મારી કારકિર્દીમાં જોયેલા શ્રેષ્ઠ કેચમાંથી એક". તેનો વીડિયો પણ સોશિયલ મીડિયા પર વાયરલ થઈ રહ્યો છે.
જણાવી દઈએ કે ગુજરાત ટાઇટન્સે લખનૌ સુપર જાયન્ટ્સ સામે 228 રનનો વિશાળ સ્કોર નોંધાવ્યો હતો. કાયલ માયર્સ અને ક્વિન્ટન ડી કોકે ઇનિંગ્સની શરૂઆત હતી. બંનેએ જોરદાર બેટિંગ કરી, દરેક બોલ પર રન બનાવ્યા. કાયલ મેયર્સ ખૂબ સારું પ્રદર્શન કરવાના મૂડમાં હતો પણ તેનું નસીબ ખરાબ હતું જ્યારે રાશિદ ખાને મુશ્કેલ કેચ લઈને તેને પેવેલિયન મોકલી દીધો.
રાશિદ ખાનના અદભૂત કેચનો વીડિયો વાયરલ
વાત એમ છે કે તેની અડધી સદીથી 2 રન દૂર, 9મી ઓવરના પહેલા બોલ પર કાયલ માયર્સે લેગ સાઇડમાં ફટકાર્યો, બોલ ગેપમાં હતો પણ રાશિદ ખાન ઝડપથી દોડ્યો અને બોલ સુધી પહોંચ્યો. આ સાથે જ તેણે એક શાનદાર ડાઇવિંગ કેચ લીધો, જેનો વીડિયો હાલ ઘણો વાયરલ થયો છે. માયર્સે ડિકોક સાથે પ્રથમ વિકેટ માટે 88 રનની ભાગીદારી કરીને 32 બોલમાં 48 રન બનાવ્યા હતા.
વિરાટ કોહલીએ વખાણ કર્યા
વિરાટ કોહલીએ ઈન્સ્ટાગ્રામ પર આ કેચનો સ્ક્રીનશોટ પોસ્ટ કરતાં લખ્યું હતું કે- આ મારી કારકિર્દીમાં જોયેલા શ્રેષ્ઠ કેચમાંથી એક છે. જણાવી દઈએ એક તેણે રિદ્ધિમાન સાહાની ઇનિંગ્સની પ્રશંસા કરતી એક ઇન્સ્ટાગ્રામ સ્ટોરી પણ શેર કરી હતી. તેને ગૌતમ ગંભીર સાથે પણ જોડવામાં આવી રહ્યો છે, હકીકતમાં તેના સ્ક્રીનશોટ પરથી લાગે છે કે તે લખનઉ સુપર જાયન્ટ્સને હારતો જોવા માંગે છે. લખનૌ સુપર જાયન્ટ્સ સામેની મેચમાં વિરાટ પોતે ખૂબ જ આક્રમક દેખાઈ રહ્યો હતો. નોંધનીય છે કે તેની લખનૌ ટીમના મેન્ટર ગૌતમ ગંભીર અને ખેલાડી નવીન ઉલ હક સાથે ઉગ્ર બોલાચાલી થઈ હતી.
