વિશ્વ / યુરોપમાં આવી રહી છે પાંચમી હીટવેવ, ફ્રાન્સમાં પહોંચશે 40°C ડીગ્રી સુધી વાતાવરણ

યુરોપમાં ફરી એકવાર તીવ્ર ગરમીનો દોર શરૂ થવાનો છે. બ્રિટન અને ફ્રાન્સ આ સીઝનની પાંચમી હીટવેવની તૈયારી કરી રહ્યા છે. મે મહિનાથી જ યુરોપના ઘણા વિસ્તારોમાં તાપમાન સતત વધી રહ્યું છે. આના કારણે જંગલોમાં આગ, લાંબા સમયનો દુષ્કાળ અને તાપમાનના નવા રેકોર્ડ જોવા મળ્યા છે.

ફ્રાન્સની રાષ્ટ્રીય હવામાન એજન્સી મેટિયો-ફ્રાન્સે મંગળવારથી દક્ષિણ-પૂર્વી ફ્રાન્સમાં તાપમાન 40 ડિગ્રી સેલ્સિયસ સુધી પહોંચવાની ચેતવણી આપી છે. તે જ સમયે બ્રિટનમાં મંગળવારથી ઇંગ્લેન્ડના મોટાભાગના વિસ્તારોમાં ગરમીને લઈને એમ્બર હેલ્થ એલર્ટ લાગુ થશે. આ અઠવાડિયે તાપમાન ૩૬ ડિગ્રી સેલ્સિયસ સુધી પહોંચી શકે છે.

વિશ્વભરમાં 2026 અત્યાર સુધીનું ત્રીજું સૌથી ગરમ વર્ષ રહ્યું છે. 2024 અને 2025 તેનાથી વધુ ગરમ હતા. છતાં વૈજ્ઞાનિકોનું કહેવું છે કે વર્ષના અંત સુધીમાં 2026 સૌથી ગરમ વર્ષ બની શકે છે. માનવ પ્રવૃત્તિઓને કારણે વધતી વૈશ્વિક ગરમી અને મજબૂત અલ નીનોની સ્થિતિને આના મુખ્ય કારણ તરીકે ગણવામાં આવી રહ્યા છે.

• 2023નો રેકોર્ડ તૂટ્યો

યુરોપિયન ક્લાઇમેટ એજન્સી કોપરનિકસના મતે જુલાઈમાં મોસમી બરફથી મુક્ત સમુદ્રોની સરેરાશ સપાટીનું તાપમાન અત્યાર સુધીના જુલાઈના રેકોર્ડમાં સૌથી વધુ રહ્યું. જુલાઈમાં સમુદ્રની સરેરાશ સપાટીનું તાપમાન 20.96 ડિગ્રી સેલ્સિયસ નોંધાયું, જેણે 2023ના 20.89 ડિગ્રીના રેકોર્ડને પાછળ છોડી દીધો. જોકે જુલાઈમાં વિશ્વભરમાં સરેરાશ સપાટીના હવાનું તાપમાન 16.90 ડિગ્રી સેલ્સિયસ રહ્યું, જે જુલાઈ 2024 સાથે સંયુક્ત રીતે બીજું સૌથી ગરમ જુલાઈ બન્યું.

• સરેરાશ તાપમાને 2022 નો રેકોર્ડ તોડ્યો

પશ્ચિમી યુરોપમાં જૂન-જુલાઈ દરમિયાન સરેરાશ તાપમાન 21.62 ડિગ્રી સેલ્સિયસ સુધી પહોંચ્યું, જેણે 2022 નો રેકોર્ડ તોડી નાખ્યો. યુરોપિયન હવામાન આગાહી કેન્દ્રની આબોહવા વડા સામન્થા બર્ગેસે જણાવ્યું કે સતત ચાલુ રહેલા હાઈ પ્રેશર વાળા હવામાન સિસ્ટમે પશ્ચિમી યુરોપમાં ગરમીને અટકાવી રાખી. આથી દુષ્કાળ પણ વધ્યો. માટી સૂકાઈ જતાં તેની કુદરતી રીતે ઠંડક આપવાની ક્ષમતા ઘટી જાય છે અને ગરમી ઝડપથી વધે છે.

વધુ વાંચો : તાઈવાન બાદ હવે ચીન પર ‘ટાયફૂન ડોલ્ફિન’નો ખતરો: 1300 થી વધુ ફ્લાઈટ્સ રદ, લાખો લોકોનું સ્થળાંતર

• 5700 થી વધુ મૃત્યુ

ફ્રાન્સમાં મે મહિનામાં પહેલીવાર રેકોર્ડ સ્તરની હીટવેવની ચેતવણી જારી કરવામાં આવી હતી. જૂનમાં ગરમી વધુ તીવ્ર બની અને સામાન્ય કરતાં 5700 વધુ મૃત્યુ નોંધાયા. 23 જૂને ફ્રાન્સમાં અત્યાર સુધીનો સૌથી ગરમ દિવસ નોંધાયો, જ્યારે દક્ષિણ-પશ્ચિમમાં તાપમાન 44.3 ડિગ્રી સેલ્સિયસ સુધી પહોંચ્યું. જુલાઈમાં બે વધુ હીટવેવ આવી, જેના કારણે દક્ષિણ-પશ્ચિમી ફ્રાન્સમાં ભીષણ જંગલની આગ લાગી અને 2,20,000 લાખ લોકોને ઘર છોડવું પડ્યું. બ્રિટનમાં મે અને જૂનની બે રેકોર્ડ ગરમી દરમિયાન અતિશય તાપમાનને કારણે 2,800 થી વધુ વધારાના મૃત્યુ થયા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ