Rain in Ahmedabad News: વહેલી સવારથી અમદાવાદમાં વરસાદ શરૂ, હજુ 4 દિવસ ગાજવીજ સાથેના તોફાની વરસાદમાં ભીંજાવા માટે અમદાવાદીઓએ તૈયાર રહેવું પડશે
Share
વાવાઝોડાને લઇ અમદાવાદમાં વરસાદ
ભારે પવન સાથે ધીમીધારે વરસાદ
મોડી રાતથી અમદાવાદમાં વરસાદ
ભારે પવન સાથે વરસાદથી ઠંડક પ્રસરી
હજુ પણ ભારે પવન સાથે વરસાદ યથાવત રહેશે
બિપોરજોય વાવાઝોડાની અસરને કારણે હવે આજે વહેલી સવારથી જ અમદાવાદમાં વરસાદ વરસી રહ્યો છે. વિગતો મુજબ અમદાવાદના વિવિધ વિસ્તારમાં વરસાદ પડ્યો છે. મહત્વનું છે કે, હજુ 4 દિવસ ગાજવીજ સાથેના તોફાની વરસાદમાં ભીંજાવા માટે લોકોએ તૈયાર રહેવું પડશે. જૂનના છેલ્લા અઠવાડિયાથી અમદાવાદમાં ચોમાસું સત્તાવાર રીતે શરૂ થવાની શક્યતા છે.
— VTV Gujarati News and Beyond (@VtvGujarati) June 17, 2023
અમદાવાદ શહેરના વિવિધ વિસ્તારોમાં વરસાદ શરૂ થયો છે. આજે વહેલી સવારથી બોડકદેવ, સેટેલાઈટ, ઈસ્કોન વિસ્તારમાં વરસાદ પડ્યો છે. આ સાથે જોધપુર, શિવરંજની, પાલડી, જીવરાજ પાર્ક, ઈસનપુર, જશોદાનગર વિસ્તારમાં વરસાદ વરસી રહ્યો છે. આ તરફ હજુ પણ અમદાવાદમાં વરસાદની આગાહી હવામાન વિભાગ દ્વારા કરવામાં આવી છે.
હવામાનની શું છે આગાહી ?
સ્થાનિક હવામાન વિભાગની આગાહી જણાવે છે કે, હજુ 4 દિવસ એટલે કે 16 જૂનથી 19 જૂન સુધી શહેરમાં ગાજવીજ સાથે વરસાદ પડવાની શક્યતા છે. ગઈકાલે શહેરમાં 25થી 35 કિમીની ઝડપ ધરાવતા પવન ફૂંકાવાની આગાહીના પગલે સવારથી તેજ ગતિવાળા પવન ફૂંકાવાની શરૂઆત થઈ હતી, જેના કારણે ખાસ કરીને ટુ વ્હીલર ચાલકોને વાહન ચલાવવામાં થોડી મુશ્કેલી પડી હતી.
File Photo
20, 21 અને 22 જૂને પણ અમદાવાદમાં વાદળછાયું વાતાવરણ
હવામાન વિભાગનું આગાહી મુજબ અમદાવાદમાં સોમવાર, 19 જૂન સુધી તો ગાજવીજ સાથે વરસાદ પડવાની સંભાવના છે, પરંતુ 20, 21 અને 22 જૂન એમ આ 3 દિવસ પણ શહેરમાં આંશિક વાદળછાયું વાતાવરણ રહેશે એટલે શુક્રવાર તા.23 જૂનથી શહેરનું આકાશ સ્વચ્છ બનશે.
