- પત્રકારો સાથે વિવાદમાં આવ્યા એલોન મસ્ક
- એકાઉન્ટ સસ્પેન્ડ કર્યા બાદ બંધ કરી Twitter Space સેવા
- શુક્રવારે દિવસે ફરી શરૂ થશે સર્વિસ, ટ્વિટ કરી આપી માહિતી
ટ્વિટરનાં નવા માલિક એલોન મસ્કનો વિવાદો સાથે કંઇક જૂનો સંબંધ લાગે છે. મસ્કનો લેટેસ્ટ વિવાદ પત્રકારો સાથે સંકળાયેલો છે જ્યાં પત્રકારોનાં ટ્વિટર એકાઉન્ટ મસ્કે સસ્પેન્ડ કરી દીધેલ છે. સસ્પેન્ડ કર્યાં બાદ હવે કંપનીએ પોતાની લાઇવ ઓડિયો સર્વિસ Twitter Space (ટ્વિટર સ્પેસ) પણ બંધ કરી દીધેલ છે. તો સાથે જ ટ્વિટર સ્પેસ ફરી શરૂ થવાની તારીખ પણ જાહેર કરી દેવાઇ છે.
મસ્ક પર અમેરિકન પત્રકારોએ કરી હતી ટિપ્પણી
થયું એવું હતું કે એલોન મસ્કનાં પોતાના પ્રાઇવેટ જેટની લોકેશન અમેરિકાનાં કેટલાક પ્રતિષ્ઠિત છાપાઓએ શેર કરી હતી. જેના લીધે તે છાપાઓનાં એકાઉન્ટ્સને 7 દિવસ માટે મસ્કે સસ્પેન્ડ કરી દીધેલ હતું. તેમણે આ બાબતને પોતાની સુરક્ષા માટે ખતરારૂપ જણાવ્યું હતું.
શા માટે બંધ થયું Twitter Space?
કેટલાક પત્રકારોનાં એકાઉન્ટ્સ સસ્પેન્ડ થયા બાદ પણ તેમણે જાણ્યું કે તે ટ્વિટર સ્પેસ થકી હજી પણ પોસ્ટ કરી શકે છે. જ્યારે ટ્વિટરને આ બાબતની જાણકારી મળી તો તેમણે આ સર્વિસને જ બંધ કરી દીધું. આ કારણે કંપનીનાં કરોડો યૂઝર્સ આ સર્વિસનો ઉપયોગ કરવા માટે અસક્ષમ છે.
કોલ પર ખુલ આવ્યા મસ્ક...હજારો લોકોએ સાંભળી વાત
સૂત્રો અનુસાર જ્યારે ટ્વિટર સ્પેસમાં સસ્પેન્ડ અકાઉન્ટવાળા પત્રકારો તેમની સાથે થયેલ કાર્યવાહીની ફરિયાદ જણાવી રહ્યાં હતાં ત્યારે એલોન મસ્ક ખુદ તે ફોન કોલમાં જોડાઇ ગયાં. તે સમયે તેમણે કહ્યું કે કોઇ પણ અન્ય વ્યક્તિની લોકેશનની જાણકારી શેર કરનારાઓનાં એકાઉન્ટ સસ્પેન્ડ કરી દેવામાં આવશે. પત્રકારોએ પોતાના બચાવમાં કહ્યું કે તેમણે ફ્લાઇટનો કોઇ રીયલ ટાઇમ ડેટા શેર કર્યો નથી. જો કે ત્યારબાદ મસ્કે કોલ કટ કરી દીધેલ હતો. આ વાતચીતને પીક ટાઇમમાં આશરે 40000 લોકોએ સાંભળી હતી.
ક્યારે શરૂ થશે Twitter Space સેવા?
એલોન મસ્કે મોડી રાત્રે એક ટ્વીટ કરીને જાણકારી આપી કે કંપની ટ્વિટર સ્પેસ સંબંધિત જૂના બગ્સ legacy bugs ને સુધારી રહી છે. યૂઝર્સ કાલથી (શુક્રવારથી)આ સર્વિસનો ઉપયોગ કરી શકશે.
