અમદાવાદ મનપા દ્વારા જાહેર માર્ગ પર ઇંડા અને નોનવેજની લારીઓ પર પ્રતિબંધ લગાવ્યો છે. હવે આ નિર્ણય અંગે AMC ટાઉન પ્લાનિંગ કમિટી ચેરમેન દેવાંગ દાણી અને મુખ્યમંત્રી ભૂપેન્દ્ર પટેલનું નિવેદન આવ્યું છે. ત્યારે આ બન્નેના નિવેદનોથી લોકોની મૂંઝવણ વધી છે. જાણો શું કહ્યું છે...
Share
જાહેરમાર્ગ પર ઇંડા અને નોનવેજની લારીઓ પર પ્રતિબંધ
શાળા, કોલેજ, કોમ્યુનિટી હોલ નજીક પર પણ નહીં ઉભી રહી શકે ઈંડાની લારીઓ
વડોદરા,રાજકોટ,જૂનાગઢ, ભાવનગર અને અમદાવાદ મનપાએ કર્યો છે નિર્ણય
રાજકોટ, વડોદરા, ગાંધીનગર, ભાવનગર મનપા બાદ હવે અમદાવાદમાં પણ નોનવેજની લારીઓને હટાવવાનો તંત્રએ નિર્ણય લીધો છે. અમદાવાદ મહાનગરપાલિકા દ્વારા શહેરમાં જાહેરમાર્ગ પરથી ઈંડા-નોનવેજની લારીઓ હટાવવાનો નિર્ણય લીધો છે. તો સાથે ધાર્મિક સ્થળો અને કોલેજ સ્કુલ કોમ્યુનિટી હોલ પાસે પણ ઇંડા અને નોનવેજ ન વેચી શકાય તેવો નિણર્ય AMCના ટાઉન પ્લાનિંગ કમિટી દ્વારા કરવામાં આવ્યો છે. તો અમદાવાદ મનપાના આ નિર્ણય બાદ મુખ્યમંત્રીએ પોતાની પ્રતિક્રિયા આપી હતી.
આવો નિર્ણય કેમ લેવાયો તેની મૂંઝવણ વચ્ચે આખરે કઈ લારીઓ હટશે તેની પણ મૂંઝવણ વધી
આવો નિર્ણય કેમ લેવાયો તેની મૂંઝવણ ચાલી રહી છે આ વચ્ચે આખરે કઈ લારીઓ હટશે તેની પણ મૂંઝવણ વધી છે. મનપા અને સરકારના નિવેદનથી લોકો અને વેપારીઓ મૂંઝવણમાં મુકાયા છે. કારણ કે AMC ટાઉન પ્લાનિંગ કમિટી ચેરમેન દેવાંગ દાણીએ કહ્યું કે, નોનવેજ-ઇંડાની લારીઓથી બાળકો અને લોકોને અસર થાય છે, તેથી જાહેર માર્ગો પરની આવી લારી હટાવાશે. તો બીજી તરફ આણંદ ખાતે એક કાર્યક્રમ દરમિયાન આ અંગે મુખ્યમંત્રી ભૂપેન્દ્ર પટેલે કહ્યું કે, 'સરકાર માને છે કે નાગરિકોને જે ખાવું હોય તે ખાઇ શકે છે,' એટલે રાજ્ય સરકાર ટ્રાફિકને અડચણ રૂપ લારીઓ અંગે વાત કરી હતી છે જ્યારે અમદાવાદ મનપા માત્ર નોનવેજ-ઇંડાની લારીઓ હટાવવા માટે કહી રહી છે. જેને લઇને અન્ય લારીઓના ધંધાર્થીઓ પણ મૂંઝવણમાં મુકાયા છે. ત્યારે કોનું માનવું? તે એક મોટો પ્રશ્ન ઉભો થયો છે.
રાજ્યમાં નોનવેજ-ઇંડાની લારીઓ જાહેર માર્ગો-રસ્તા પરથી હટાવવા મુદ્દે મુંઝવણ
મુખ્યમંત્રી ભૂપેન્દ્ર પટેલે શું કહ્યું?
આ નિર્ણય નગરપાલિકા-મહાનગરપાલિકા તંત્રનો છે
રાજ્ય સરકાર સ્પષ્ટપણે માને છે કે નાગરિકને જે ખોરાક ખાવો હોય તે ખાઇ શકે છે
પરંતુ ખાદ્યપદાર્થ સ્વાસ્થ્યને હાનિકારક ન હોય તે પણ જરૂરી છે
લારીઓ ટ્રાફિક કે નાગરિકો માટે અડચણ રૂપ હશે તો તેવી લારીઓ હટાવી શકાશે
કોર્પોરેશન એના નિયમ મુજબ નિર્ણય લઇ શકે છે
મુખ્યમંત્રીએ આણંદ જિલ્લામાં એક કાર્યક્રમ દરમિયાન આ નિવેદન આપ્યું
AMC ટાઉન પ્લાનિંગ કમિટી ચેરમેને શું કહ્યું?
અમદાવાદ શહેરના મુખ્ય માર્ગો પરથી નોનવેજ, ઇંડા, મટન, માછલીની તમામ લારીઓ હટાવવામાં આવશે
સાથે ધાર્મિક સ્થળો, સભાખંડો, સ્કૂલ, કોલેજ, બગીચા નજીકથી પણ આવી લારીઓ દૂર કરાશે
આગામી 2થી 3 દિવસમાં જ નિર્ણયની અમલવારી શરૂ થશે
મુખ્ય સ્થળો પર 100 મીટરના રોડ પર આવતા લોકોને આવી લારીઓથી અસર પડે છે
બગીચા, મંદિર, સ્કુલની આસપાસના બાળકો પર અને શહેરીજનોને અસર પડે છે
જે વિસ્તારમાં મટનનું વેચાણ કરતા હશે ત્યાં બંધ બોડીમાં લાયસન્સ લઇને તેનું વેચાણ કરવાનું રહેશે
જો ત્યાં પણ કાયદાનું પાલન નહીં થાય તો તે દુકાનને પણ સીલ કરાવામાં આવશે
હેલ્થ વિભાગ દ્વારા તેને લાયસન્સ આપવામાં આવશે
દુકાનની અંદર બોર્ડ મારી શકશે, પરંતુ દુકાનની અંદર કોઈ વસ્તુ લટકાવી નહીં શકે
