તમારા કામનું / એક ભૂલના કારણે 31 લાખ લોકોનું ITR રિફંડ અટક્યું, ચેક કરો ક્યાંક તમે પણ આ જ ભૂલ તો નથી કરી!

• 23 ઓગસ્ટ સુધીમાં 6.91 કરોડથી વધુ રિટર્ન ફાઈલ થયા 
• માત્ર 6.59 કરોડ કરદાતાઓએ તેમના રિટર્નની ચકાસણી કરી  
• નિયત સમયગાળામાં આવકવેરા રિટર્નની ચકાસણી કરવી ફરજિયાત  

1 એપ્રિલથી 21 ઓગસ્ટની વચ્ચે આવકવેરા વિભાગે ટેક્સ રિફંડ તરીકે રૂ. 72,215 કરોડ જાહેર કર્યા છે. તેમાંથી રૂ. 37,775 કરોડનું રિફંડ કંપનીઓને આપવામાં આવ્યું છે અને રૂ. 34,406 કરોડ વ્યક્તિગત આવકવેરા દાતાઓના બેન્ક ખાતામાં રિફંડ તરીકે જમા કરવામાં આવ્યા છે. પરંતુ હજુ પણ ઘણા લોકોને રિફંડ મળ્યા નથી. હવે એક ચોંકાવનારી હકીકત સામે આવી છે.

આવકવેરા વિભાગની વેબસાઈટના 23 ઓગસ્ટ સુધીના ડેટા અનુસાર 31 લાખ આવકવેરાદાતાઓને હજુ પણ રિફંડના નાણાં મેળવવામાં મુશ્કેલી પડી રહી છે. આ આવકવેરાદાતાઓ દ્વારા કરવામાં આવેલી નાની ભૂલને કારણે આવું બન્યું છે. જો આ લોકો પોતાની ભૂલ જલ્દી સુધારે નહીં તો તેમનું ITR પણ અમાન્ય થઈ શકે છે. પરિણામે, તેમને રિફંડ મળશે નહીં.

Dear Taxpayers,

Complete your e-filing process today!
Do not forget to verify your ITR within 30 days of filing.
Delayed verification may lead to levy of late fee in accordance with provisions of the Income-tax Act, 1961.

Don’t delay, verify your ITR today! pic.twitter.com/NQt2fArOBW

— Income Tax India (@IncomeTaxIndia) August 23, 2023

આ 31 લાખ ઇન્કમ ટેક્સ પેયર્સે ઇન્કમ ટેક્સ રિટર્ન ફાઇલ કર્યું છે, પરંતુ હજુ સુધી તેમના આઇટીઆરની ચકાસણી કરી નથી. આવકવેરાના નિયમો મુજબ તમામ ITR ફાઇલ કરનારાઓએ 30 દિવસની અંદર તેમના રિટર્નની ચકાસણી કરવી જરૂરી છે. જ્યારે કરદાતા તેના ITRની ચકાસણી કરવામાં નિષ્ફળ જાય છે, ત્યારે આવા રિટર્નને પ્રોસેસિંગ માટે લેવામાં આવતું નથી અને પરિણામે ટેક્સ રિફંડ જાહેર કરી શકાતું નથી. 

જો ITR નિર્ધારિત સમય સુધી ચકાસાયેલ નથી, તો તે અમાન્ય બની જાય છે. ઈન્કમ ટેક્સ વેબસાઈટના ડેટા અનુસાર 23 ઓગસ્ટ સુધીમાં 6.91 કરોડથી વધુ રિટર્ન ફાઈલ કરવામાં આવ્યા છે. પરંતુ માત્ર 6.59 કરોડ આવકવેરાદાતાઓએ જ તેમના રિટર્નની ચકાસણી કરી છે.

ઇન્કમટેક્ષ વિભાગે કરી આપી 
આવકવેરા વિભાગે X (અગાઉ ટ્વિટર) પર તેના અધિકૃત હેન્ડલ પરથી એક પોસ્ટ પોસ્ટ કરી છે. જેમાં આવકવેરાદાતાઓને તેમના ITR ની ચકાસણી કરવા વિનંતી કરવામાં આવી છે. આવકવેરા વિભાગે લખ્યું, પ્રિય કરદાતાઓ, આજે જ તમારી ઈ-ફાઈલિંગ પ્રક્રિયા પૂર્ણ કરો! ફાઇલ કર્યાના 30 દિવસની અંદર તમારું ITR ચકાસવાનું ભૂલશો નહીં. વિલંબિત ચકાસણી આવકવેરા અધિનિયમ, 1961 ની જોગવાઈઓ અનુસાર વિલંબિત ફીને આકર્ષિત કરી શકે છે. વિલંબ કરશો નહીં, આજે જ તમારું ITR વેરિફાઈ કરાવો.

 
ITR ને 6 રીતે વેરીફાઈ કરો
ITR ઓનલાઈન અને ઓફલાઈન બંને રીતે ચકાસી શકાય છે. ITR ચકાસવાની કુલ 6 રીતો છે. તેમાંથી 5 પદ્ધતિઓ ઓનલાઈન છે અને એક પદ્ધતિ ઓફલાઈન છે. તમે રજિસ્ટર્ડ મોબાઈલ નંબર, બેંક એકાઉન્ટ, ડીમેટ એકાઉન્ટ, એટીએમ અને નેટબેંકિંગ પર પ્રાપ્ત OTP ની મદદથી ITR ઓનલાઈન ચકાસી શકો છો. ITR વેરિફિકેશન ITR-V ફોર્મની સહી કરેલી કોપી આવકવેરા વિભાગને પોસ્ટ દ્વારા મોકલીને પણ કરી શકાય છે.