- યુપીના સહારનપુરમાં રાતે છોકરીઓએ માર્કેટમાં દારુ પીને મચાવી ધમાલ
- લોકોએ વીડિયો ઉતારવાનું શરુ કરતાં વિફરી
- શાંત પાડવા આવેલી પોલીસને દીધી ગંદી-ગંદી ગાળો
યુપીના સહારનપુરમાં માર્કેટમાં રાત છોકરીઓએ દારુ પીને ધમાલ મચાવી હતી. હકીકતમાં કેટલાક લોકો દારુ પીઈને જઈ રહેલી છોકરીઓનો વીડિયો બનાવવા લાગ્યાં હતા આથી છોકરીઓ વિફરી હતી અને લોકોને ગંદી ગંદી ગાળો બોલવા લાગી હતી. આ દરમિયાન તેમને શાંત પાડવા પોલીસ આવી તો તેમને પણ ગાળોથી ઝપટે ચઢાવી દીધા અને તેમને પણ મા-બેન સમાન ગાળો ભાંડી હતી.
લોકોના વીડિયો બનાવવાનો વાંધો પડ્યો છોકરીઓને
સહારનપુર માર્કેટનો એક વીડિયો સોશિયલ મીડિયા પર સતત વાયરલ થઇ રહ્યો છે. વીડિયો જોઈને એવું લાગે છે કે રાતનો સમય. કેટલીક છોકરીઓ મધ્ય બજારમાં હંગામો મચાવતી જોવા મળે છે. જેમ જેમ વિડિયો આગળ વધતો જાય છે તેમ તેમ ટોળું વધતું જતું હોય એવું લાગે છે. થોડા જ સમયમાં ઘણા બધા લોકો ભેગા થઈ જાય છે. પોલીસકર્મીઓ સાથે ઝપાઝપીમાં યુવતીઓ વીડિયોમાં પણ જોવા મળી રહી છે. મુખ્ય વિવાદ વીડિયો બનાવવાનો હોય તેવું લાગી રહ્યું છે. આ ઘટનાનો વીડિયો સોશિયલ મીડિયા પર અલગ અલગ એંગલથી વાયરલ થઇ રહ્યો છે. એટલે કે માત્ર પોલીસ જ નહીં, અનેક લોકો પોતાના મોબાઈલ ફોનથી આ યુવતીઓના વીડિયો બનાવી રહ્યા હતા. યુવતીઓ પૂરા હોબાળામાં વીડિયો બનાવવાનો વિરોધ કરતી જોવા મળે છે, પરંતુ કોઇ માનવા તૈયાર નથી અને દરેક લોકો વીડિયો બનાવતા રહે છે.
જે વિસ્તારમાં આ ઘટના બની તે કુખ્યાત
છોકરીઓએ વીડિયો ઉતારી રહેલા એક પોલીસકર્મીનો ફોન પણ તોડી નાખ્યો હતો આ પછી આખી ભીડ પોલીસકર્મી તરફ જાય છે અને એટલામાં છોકરીઓ ફરી વિફરી બેસી છે આ દરમિયાન લોકો પણ ગાળાગાળો કરતા જોવા મળ્યાં હતા. આ વીડિયોનું બીજું પાસું એ છે કે જ્યારે તમે વીડિયોનો ઓડિયો સાંભળો છો, ત્યારે તમે સમજો છો કે છોકરીઓ કરતા વધુ, અહીં ઉભેલી સંસ્કારી ભીડ ગાળો આપી રહી છે અને અન્ય લોકો આપી રહ્યા છે. લાંબા સમય સુધી ચાલેલા હોબાળા બાદ પોલીસે આ યુવતીઓની મેડિકલ તપાસ કરાવી હતી. સોશિયલ મીડિયા પર જણાવવામાં આવી રહ્યું છે કે, જે બજારનો આ વીડિયો આવેલો છે, તે આખો વિસ્તાર બદનામ છે. સૌથી મહત્વની વાત એ છે કે જે વિસ્તારને કુખ્યાત ગણાવવામાં આવી રહ્યો છે તે સહારનપુરનું મુખ્ય બસ સ્ટેન્ડ અને રેલવે સ્ટેશન છે. આ સ્ટેશનથી વંદે ભારત અને શતાબ્દી એક્સપ્રેસના પેસેન્જર પણ રવાના થાય છે. આવી સ્થિતિમાં આ વીડિયો દ્વારા અનેક સવાલો ઉઠી રહ્યા છે, પરંતુ લોકોને આ સવાલો સાથે કોઈ લેવા દેવા નથી, તેઓ સોશિયલ મીડિયા પર વીડિયો જોઈને ખુશ છે અને તેને વાયરલ કરી રહ્યા છે.
