ક્રાઈમ / અમદાવાદમાં ક્રાઈમ બ્રાન્ચની ટીમ પર ડ્રગ્સ માફિયાઓનો હુમલો, PSI ઈજાગ્રસ્ત

અમદાવાદમાં ડ્રગ્સ વિરુદ્ધ પોલીસની કામગીરી દરમિયાન એક ચોંકાવનારી ઘટના સામે આવી છે. શહેરના ભાટ ગામ વિસ્તારમાં MD ડ્રગ્સ અંગે મળેલી બાતમીના આધારે ક્રાઈમ બ્રાન્ચની ટીમે રેડ પાડી હતી. જોકે, કાર્યવાહી દરમિયાન આરોપીઓ બેફામ બની પોલીસ પર જ હુમલો કરી બેઠા હતા.

આરોપીઓએ હુમલો કર્યો

માહિતી અનુસાર, ક્રાઈમ બ્રાન્ચની ટીમે એક શંકાસ્પદ વ્યક્તિને અટકાવવાનો પ્રયાસ કર્યો હતો. આ દરમિયાન આરોપીઓએ વિરોધ કરી હિંસક વલણ અપનાવ્યું અને ટીમ પર હુમલો કર્યો. હુમલામાં એક PSI પર છરી વડે પ્રહાર કરવામાં આવ્યો, જેને કારણે તેઓ ઈજાગ્રસ્ત થયા હતા.

300 ગ્રામ જેટલું MD ડ્રગ્સ જપ્ત કર્યું

ઈજાગ્રસ્ત PSIને તાત્કાલિક સારવાર માટે નજીકની હોસ્પિટલમાં દાખલ કરવામાં આવ્યા છે. હાલ તેમની સ્થિતિ સ્થિર હોવાનું જાણવા મળ્યું છે.પોલીસે આ કાર્યવાહી દરમિયાન આશરે 300 ગ્રામ જેટલું MD ડ્રગ્સ જપ્ત કર્યું છે. ઘટનાને પગલે વિસ્તારમાં ચકચાર મચી ગઈ છે અને પોલીસ દ્વારા આરોપીઓની શોધખોળ તેજ કરવામાં આવી છે.

આ પણ વાંચોઃ ગુજરાત પર ભરઉનાળે માવઠાની ઘાત, 19થી 21 એપ્રિલ દરમિયાન વરસાદની આગાહી

ક્રાઈમ બ્રાન્ચે આ મામલે વધુ તપાસ શરૂ કરી છે અને ડ્રગ્સ માફિયાઓ સામે કડક કાર્યવાહી કરવાની ખાતરી વ્યક્ત કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ