- ત્વચાનાં સ્વાસ્થ્ય માટે ગુણકારી
- કિડની સ્ટોનનું નિવારણ કરે
- પાચન કરે મજબૂત
નારિયળ પાણી પોષક તત્વોથી ભરપૂર હોય છે. જેથી તેનાં સેવનને સ્વાસ્થ્ય માટે સારું ગણવામાં આવે છે. આ ડ્રિંકને લોકો ઉનાળામાં પીવું પસંદ કરે છે પણ તેને માત્ર ગરમીઓમાં જ નહીં પણ દરેક મોસમમાં પીવું જોઈએ. નારિયળ પાણી માત્ર હાઇડ્રેશન માટે જ નહીં પણ શરીરને પોષણ આપવા માટે પણ ઉત્તમ છે.
ત્વચાનાં સ્વાસ્થ્ય માટે ગુણકારી
નારિયળ પાણી એક તરલ પદાર્થનો સારો સ્ત્રોત છે. જે તમને હાઇડ્રેટ રાખવામાં મદદ કરે છે. તેમાં એન્ટિઓક્સિડેન્ટનાં ગુણ હોય છે. જેથી તે ફાઇન લાઇન્સ અને કરચલીઓ સામે આપણું રક્ષણ કરે છે. એન્ટિઓક્સિડેન્ટ તમારી ત્વચાને થતાં નુકશાનથી બચાવવા માટે પણ ઉપયોગી છે. તેની અંદર વિટામિન C અને વિટામિન E પણ હોય છે જે ત્વચાનાં સ્વાસ્થ્ય માટે ગુણકારી છે.
કિડની સ્ટોન નિવારણ
કિડનીની અંદર પથરી ના થાય, તે માટે ડોક્ટર તમને વધુ માત્રામાં પાણીનું સેવન કરવાનું કહે છે. એવાં માટે તમારે નારિયળ પાણી પીવું જોઈએ. કારણકે તેનાથી પેશાબની માત્રા વધી જાય છે. જેના કારણે પથ્થર બનાવતા ખનિજોની સાંદ્રતા ઘટે છે. આવી સ્થિતિમાં પથરી થતાં અટકાવશે અને તેને દૂર કરવામાં પણ મદદરૂપ થશે.
પાચન કરે મજબૂત
નારિયળ પાણીમાં ફાયબરનું પ્રમાણ હોય છે. જે પાચનને મજબૂત બનાવવામાં મદદરૂપ થાય છે. તેની અંદર અમુક એવાં એન્ઝાઇમ હોય છે જે જમવાને તોડવામાં મદદ કરે છે. તેનાં લીધે પેટની સમસ્યાઓ દૂર થાય છે.
ઇલેક્ટ્રોલાઇટ સંતુલન
નારિયળ પાણીમાં પોટેશિયમ, સોડિયમ અને મેગ્નેશિયમ જેવાં મહત્વપૂર્ણ ઇલેક્ટ્રોલાઇટ હોય છે જે શરીરમાં પ્રવાહી સંતુલનને નિયંત્રિત કરવામાં મદદ કરે છે. આ એવા લોકો માટે મદદરૂપ થઈ શકે, જેમને ખૂબજ પરસેવો આવતો હોય.
બ્લડ પ્રેશર નિયંત્રણ
નારિયળ પાણી બ્લડ પ્રેશરને નિયંત્રિત કરવાનું કામ કરે છે. તેમાં પણ ખાસ હાઇ બ્લડ પ્રેશરવાળા લોકો માટે આ ખૂબજ ગુણકારી છે. નારિયળ પાણીમાં હાઇ પોટેશિયમ હોવાનાં કારણે તે સોડિયમનાં પ્રભાવને નિયંત્રિય કરવામાં મદદ કરે છે.
