નેશનલ / દૂરદર્શનની મશહૂર એન્કર સરલા માહેશ્વરીનું અવસાન, ફેન્સે કહ્યું-સુવર્ણ યુગનો અંત

દૂરદર્શનની ફેમસ ન્યૂઝ રીડર સરલા મહેશ્વરીનું અવસાન થયું છે. તેમના મૃત્યુને ટીવી પત્રકારત્વના સુવર્ણ યુગનો અંત કહેવામાં આવી રહ્યો છે. જેથી અખિલ ભારતીય મહિલા કોંગ્રેસે એક ટ્વિટમાં સરલાને યાદ કર્યા છે. તેઓએ લખ્યું, "સરલાની વિશ્વસનીયતા અને શાલીનતા આવનારી પેઢીઓ માટે હંમેશા પ્રેરણારૂપ રહેશે. તેમના આત્માને શાંતિ મળે." સરલા મહેશ્વરીના પરિવારે પણ અંતિમ સંસ્કારની માહિતી પોસ્ટ કરી હતી જે 12 ફેબ્રુઆરીએ સાંજે 4 વાગ્યે દિલ્હીના નિગમ બોધ ઘાટ ખાતે થશે.

આ અંગે ફેમસ દૂરદર્શન એન્કર શમ્મી નારંગે પણ તેમના મૃત્યુ પર શોક વ્યક્ત કરતા લખ્યું હતું "મારા પૂર્વ કો-ન્યૂઝ એન્કર, સરલા મહેશ્વરીના નિધનના દુઃખદ સમાચાર શેર કરતા મને ખૂબ દુઃખ થઈ રહ્યું છે. તેઓ શાલીનતા અને નમ્રતાના મૂર્ત સ્વરૂપ હતા. તેઓ માત્ર દેખાવમાં જ સુંદર નહોતા પણ હૃદયથી પણ અતિ ઉદાર હતા. તેમની ભાષા પર અદ્ભુત કમાન્ડ હતી અને તેઓ જ્ઞાનનો ભંડાર હતા. દૂરદર્શન સ્ક્રીન પર તેમની હાજરી એક અનોખી આકર્ષણ ધરાવતી હતી. તેઓ દરેકનો આદર કરતી અને જે પણ વાતાવરણમાં હતી તેને જીવંત બનાવતી. હું પ્રાર્થના કરું છું કે ભગવાન તેમના આત્માને શાશ્વત શાંતિ આપે અને મહેશ્વરી પરિવારને શક્તિ આપે. ઓમ શાંતિ."

વધુ વાંચો : 12 કરોડની લેમ્બોર્ગિનીથી રાહદારીઓને અડફેટે લેનાર નબીરાને જામીન, ધરપકડ પછી તરત જેલ બહાર

• દૂરદર્શનનો ગોલ્ડન પીરીયડ
  સરલા મહેશ્વરીજીને હંમેશા તેમની અદા માટે યાદ કરવામાં આવશે. તેમના અવાજ અને ન્યુઝ ડીલીવરીમાં એક અનોખી શાંતિ અને આત્મવિશ્વાસ હતો જે દર્શકોને મોહિત કરતો હતો. સરલાએ તે યુગમાં ન્યુડ રીડર ફિલ્ડને એક સંસ્કારી અને આદરણીય ઓળખ આપી હતી. આ એવો સમય હતો જ્યારે સમાચાર પર એન્કર એકમાત્ર સત્તા ધરાવતા હતા.
  

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ