- સફાઇનું ખાસ ધ્યાન રાખો
- ગ્રીસનો ઉપયોગ ન કરો
- કંપનીની બેટરી સારી હોય છે
કારને સારી રીતે ચલાવવા માટે કારની બેટરીનું યોગ્ય રીતે કામ કરવું જરૂરી છે. જો કારની બેટરી ખરાબ થઈ જાય તો સમસ્યા સર્જાય છે. જાણો, બેટરીની ઉંમર વધારવા માટે શું કરવું જોઈએ.
કાર ચાલુ કરવામાં સમસ્યા થાય છે
કારમાં બેટરીનું યોગ્ય રીતે કામ કરવું જરૂરી હોય છે. બેટરી યોગ્ય રીતે કામ ન કરે તો કાર ચાલુ કરવામાં સમસ્યા થાય છે. લોકો ઘણી વાર કાર ચાલુ કર્યા વગર જ લાઇટ ચાલુ કરે છે અથવા ઇન્ફોટેનમેન્ટ સિસ્ટમ ચાલુ કરે છે, જેના કારણે બેટરી ડિસ્ચાર્જ થઈ જાય છે. જો લાંબો સમય આવું ચાલે તો બેટરી ખરાબ થઈ જાય છે.
ટર્મિનલ
જ્યારે કારમાં બેટરી લગાવો ત્યારે અમુક બાબતોનું ધ્યાન રાખવું જોઈએ. જ્યારે કારમાં બેટરી લગાવવામાં આવે ત્યારે તેને હંમેશા ટાઈટ કરવી જોઈએ. જો આવું ન કરવામાં આવે તો કાર ચલાવતા સમયે ખરાબ રસ્તાને કારણે બેટરીને નુકસાન પહોંચી શકે છે. આ સાથે બેટરીના ટર્મિનલને પણ ટાઈટ રાખવું જોઈએ.
સફાઇનું ખાસ ધ્યાન રાખો
તમે તમારી બેટરીને સુરક્ષિત રાખવા માંગતા હોય તો તેની આસપાસ સફાઇનું ખાસ ધ્યાન રાખો. ઘણી વાર બેટરીના ટર્મિનલ ઉપર સફેદ પદાર્થ જામી જાય છે. જો તેને લાંબા સમય સુધી સાફ કરવામાં ન આવે તો તેને હટાવવું મુશ્કેલ થઈ જાય છે. આ કારની બેટરીની ક્ષમતાને પણ અસર કરે છે.
વાંચવા જેવું: મોબાઇલને દિવસમાં કેટલી વાર ચાર્જ કરવો? 15, 30 કે 50 ટકાએ, જો-જો આવી ભૂલ કરતા નહીંતર...!
ગ્રીસનો ઉપયોગ ન કરો
બેટરીની ઉંમરને વધારવા માટે ટર્મિનલ પર ગ્રીસનો ઉપયોગ ન કરવો જોઈએ. બેટરીના ટર્મિનલ પર વેસેલિન અથવા પેટ્રોલિયમ જેલીનો ઉપયોગ કરવો જોઈએ.
કંપનીની બેટરી સારી હોય છે
તમે તમારી કારમાં કંપનીની બેટરીનો ઉપયોગ કરો છો તો તે સામાન્ય બેટરી કરતાં વધુ સમય ચાલે છે. તેનું એક માત્ર કારણ એ છે કે, તેને બનાવતા સમયે ઘણી બાબતોનું ધ્યાન રાખવામાં આવે છે. જેની સીધી અસર બેટરીની ઉંમર પર પડે છે.
