સ્ટડી / હેં આવું ! શોધમાં મળ્યું એવું કે વૈજ્ઞાનિકોને કહેવું પડ્યું ધરતી પાસે છે પોતાનું મગજ

• પૃથ્વી ગ્રહ પર વૈજ્ઞાનિકોની નવી શોધ
• પૃથ્વી પોતાની બુદ્ધિ ધરાવે છે
• પોતાની બુદ્ધિ પ્રમાણે કામ કરે છે પૃથ્વી

શોધ બાદ વૈજ્ઞાનિકોએ ધરતીને લઈને જે દાવા કર્યાં છે ખરેખર અદ્દભુત છે. વૈજ્ઞાનિકોના એક જૂથે ખુલાસો કર્યો છે કે તે તમારા મનને હચમચાવી નાખશે. તેમનો દાવો છે કે પૃથ્વીની પોતાની બુદ્ધિ છે. તેની પાસે પોતાનું મન અને બુદ્ધિ છે. તે એક બુદ્ધિશાળી ગ્રહ છે. એટલે કે પૃથ્વી જીવંત છે. 

વૈજ્ઞાનિકોએ આપ્યાં આ પુરાવા
શોધ બાદ પુરાવા આપતા વૈજ્ઞાનિકોએ કહ્યું કે જમીનની નીચે ફૂગનું એક વિશાળ સ્તર છે. જે સમગ્ર પૃથ્વી પર ફેલાયેલી છે. તેઓ અંદરોઅંદર સંદેશાની આપ-લે કરે છે. તેમની પાસે મોટું નેટવર્ક છે. તે એક અદૃશ્ય બુદ્ધિનું પ્રદર્શન કરે છે. જેના કારણે આખી પૃથ્વીની સ્થિતિ બદલાતી રહે છે. આ સ્થિતિ દ્વારા   ગ્લોબલ વોર્મિંગ જેવી ઘટનાઓને સારી રીતે સમજી શકાય છે. 

વૈજ્ઞાનિકોએ આપ્યું આ ઉદાહરણ 
ઉદાહરણ તરીકે, માની લો કે એક ઝાડ-છોડવાઓનો એક સમુદાય છે. પોતાની જાતને જીવિત રાખવા તેઓ ફોટોસિન્થેસિસ નામની પ્રક્રિયા શરુ કરે છે. બદલામાં પૃથ્વીને ઓક્સિજન  મળ્યો. ઓક્સિજનને કારણે આપણી ધરતીની આખી પ્રક્રિયા બદલાઈ ગઈ. હકીકતમાં છોડા અને ઝાડવાઓ પોતાને માટે કામ કરે છે તેમ છતાં પણ તેઓ ધરતીની બુદ્ધિમત્તાનો એક ભાગ જ હોય છે. 

બાયોસ્ફિયરનો જન્મ થતાં જ પૃથ્વીને નવું જીવન મળ્યું
જો પૃથ્વી પરના જીવનને સામૂહિક રીતે જોવામાં આવે તો તેને બાયોસ્ફિયર કહેવામાં આવે છે. આ તે છે જે પૃથ્વીની બુદ્ધિ, મન, મગજ, તાર્કિક શક્તિ અને બોધને પ્રતિબિંબિત કરે છે. બાયોસ્ફિયરનો જન્મ થતાં જ પૃથ્વીને નવું જીવન મળ્યું. પૃથ્વીએ પોતાની જાત વિશે વિચાર્યું. તેણે સંતુલન બનાવવાનું શરૂ કર્યું. જ્યારે પૃથ્વીના એક ખૂણામાં કંઇક ખોટું થાય છે, ત્યારે બીજા ખૂણામાં તે કંઈક એવું કરે છે જે સંતુલન બનાવે છે.